ઇબી-૫ અને ટીસીએસ

રિજનલ સેન્ટરમાં જો કોઈ પણ પરદેશી આઠ લાખ ડૉલરનું રોકાણ કરે તો એ પરદેશીને અમેરિકાનું ઇમિગ્રેશન ખાતું અરજી કરતાં પ્રથમ બે વર્ષની મુદતનું કન્ડિશનલ ગ્રીનકાર્ડ આપે છે

- ડો.સુધીર શાહ

ગવર્મેન્ટ ઑફ ઇન્ડિયા, મિનિસ્ટ્રી ઑફ ફાયનાન્સ, ડિપાર્ટમેન્ટ ઑફ રૅવન્યુ, સેન્ટ્રલ બોર્ડ ઑફ ડાયરેક્ટ ટૅક્સીસ એમણે વર્ષ ૨૦૨૩ના એમના દસમા સરસ્ક્યુલર, જે ન્યૂ દિલ્હી ખાતે ૩૦મી જૂન, ૨૦૨૩ના બહાર પાડ્યો, એના થકી ફાઇનાન્સ ઍક્ટ, ૨૦૨૩માં ઍમેન્ડમૅન્ટ કરવામાં આવ્યું છે. ઇન્કમટૅક્સ ઍક્ટ, ૧૯૬૧ની કલમ ૨૦૬સીમાં પેટા કલમ (આઈજી)નો ઉમેરો કર્યો છે.

કોઈ પણ ભારતીય નાગરિક, ભારત બહાર પૈસા મોકલવા ઇચ્છે, તો ‘લીબ્રલાઇઝ રેમિસ્ટ્સ સ્કીમ’ (એલઆરએસ) હેઠળ એક વર્ષમાં વધુમાં વધુ અઢી લાખ અમેરિકન ડૉલર પરિમશન મેળવ્યા સિવાય મોકલી શકે છે.

૧લી ઑક્ટોબર, ૨૦૨૩ પછી કોઈ પણ ભારતીય એક વર્ષની અંદર અઢી લાખ અમેરિકન ડૉલર અથવા તો પરવાનગી મેળવીને એથી વધુ ડૉલર જો ભારત બહાર મોકલવા ઇચ્છે તો ભારત સરકાર આ નવા દાખલ કરાયેલ કાયદા મુજબ ટીસીએસ હેઠળ વીસ ટકા કાપી લેશે.

આ રકમ જે ટૅક્સ તરીકે કાપવામાં આવે છે એ ત્યાર બાદ એ વ્યક્તિ જે આઇટી રિટર્ન દાખલ કરે એમાં એને જે ટૅક્સ ભરવાનો આવે એમાંથી બાદ માગી શકે છે. જો આવી વ્યક્તિ આઇટી રિટર્ન દાખલ કરતી ન હોય અથવા તો ઝીરો રિટર્ન દેખાડતી હોય, તો એ પૂરેપૂરા વીસ ટકા જે ટીસીએસ હેઠળ કાપવામાં આવ્યા હોય એ માગી શકે છે.