પંચામૃત

નિષ્ફળતાઓમાંથી પેદા થતી લાયકાત

- ભૂપત વડોદરિઆ

એક બેન્ક અધિકારીને સાત વરસ પહેલાં મળવી જોઈતી બઢતી છેક હમણાં મળી તે અંગેના અભિનંદનનો સ્વીકાર કરતાં તેમણે અફસોસ પ્રગટ કર્યો કે, સવારે ચાના કપનીરાહ જોતા બેઠા હોઈએ અને ચાનોકપ સાંજે મળે તેવું થયું!

માણસ આ કે તે પ્રાપ્તિ માટે પોતાના મનથી એક સમયબિન્દુ નક્કી કરી નાખે છે. તે ક્ષણે તે તલપાપડ બનીને પ્રાપ્તિની રાહ જુએ છે. પછી તરસ્યા કરે છે. જ્યારે તેને ઇચ્છિત ફળ મળે ત્યારે તેને થાય છે કે કેટલું મોડું થઈ ગયું! આવું વિચારીનેતે આનંદનાપ્રસંગે પણ ગમગીન બની જાય છે. પછી તેને ખબર પડે છે કે કેટલીક ઘટનાઓ તો એક જ વાર બને છે. તે વહેલી મળે તો કંઈ ન્યાલ થઈ જવાતું નથી અને મોડી મળે તો કંઈ પાયમાલ થઈ જવાતું નથી. ઘણાને તો તેમણે ઇચ્છેલી વસ્તુ અંત સુધી મળતી પણનથી. કેટલાકને આખી જિંદગી ઝંખેલી કીર્તિ તેમના મૃત્યુ પછી મળી હોય તેવું પણ બન્યું છે. મોડા-મોડા પણ ઇચ્છેલું જે કાંઇ મળે તેને માટે સંતોષ માતવો તે જ સાચું વલણ છે, પણ માણસનું મન એવું છે કે પોતાનીધારણા કરતાં સહેજ પણ મોડું થાય ત્યારે વિરોધની લાગણી સાથે તેનો સ્વીકાર કરે છે!