વાયરલ પેજ

અસ્તિત્વના સંઘર્ષનો કોયડોઃ થ્રી બૉડી પ્રોબ્લેમ

- સ્પર્શે હાર્દિક

અનંત અંતરિક્ષમાં જો ક્યાંય જીવન ધબકતું હોય તો ત્યાં સંદેશો મોકલવાના ઘણા પ્રયાસો મનુષ્યજાતિએ કર્યા છે. કિંતુ એ સંદેશાઓ અનુત્તરત જ રહ્યા. એક દિવસ, ચીનના કોઈ રિસર્ચ સેન્ટરમાં એક યુવતીને પરગ્રહવાસીઓનો આવો પ્રત્યુત્તર મળ્યો, ‘જવાબ ન આપીશ. હું આ વિશ્વમાં શાંતિવાદી છું. તું ભાગ્યશાળી છે કે તારો સંદેશો સૌથી પહેલાં મેં સાંભળ્યો. હું તને ચેતવણી આપું છું કે જવાબ ન આપીશ. જો તું આ સંદેશાનો જવાબ આપીશ તો અમે ત્યાં આવીશું. તારા ગ્રહને જીતી લઈશું. જવાબ ન આપીશ.' આવું થાય તો ધરતી, મનુષ્યજાતિ અને સંસારનું જરાક પણ હિત ઇચ્છનારી વ્યક્તિ ભયગ્રસ્ત થઈને જવાબ આપવાનું ટાળે, પણ એ યુવતીનો માણસજાત પરથી વિશ્વાસ જ ઊઠી ગયેલો. તેણે ચેતવણી અવગણીને પ્રત્યુત્તર આપ્યો, ‘આવો. અમે ખુદને બચાવી નહીં શકીએ. હું આ ગ્રહ જીતવામાં તમારી મદદ કરીશ.’ અને યુવતીના આ નિર્ણયથી ચારેક સદી બાદ મનુષ્યજાતિનો ખાતમો થશે એ લગભગ નિશ્ચિત થઈ ગયું!

આ દશ્ય છે ચીની લેખક લિયૂ સુસિનની નવલકથા પરથી બનેલી નેટફ્લિક્સની સિરીઝ ‘શ્રી બૉડી પ્રોબ્લેમ'ની પહેલી સિઝનનું. ૨૦૧૫માં સાયન્સ ફિક્શન તથા ફેન્ટસી કથાઓ માટેના પ્રતિષ્ઠિત હ્યુગો ઍવૉર્ડની વિજેતા ‘ધી થ્રી બૉડી પ્રોબ્લેમ’ નવલકથા ચીની વાચકોમાં તો ખાસ્સી લોકપ્રિય બની જ, પણ વિશ્વની પ્રમુખ ભાષાઓમાં અનુવાદિત થયા પછી એની લોકપ્રિયતા અત્યંત વધી. લિવૂ સુસિને આ શ્રેણીની બીજી બે નવલકથા ‘ધી ડાર્ક ફૉરેસ્ટ’ અને ‘ડેથ્સ ઍન્ડ’ પણ લખેલી. નવલકથાનું સિરીઝમાં રૂપાંતર કરવા માટે મૂળ કથામાં ઘણા ફેરફાર કરાયા છે, પણ સિરીઝ મુદ્દાની વાતથી ભટકતી નથી એટલે જોવાનો રોમાંચ જળવાઈ રહે છે.