સોશિયલ મીડિયા

ફિલ્મ ‘મહારાજ', કરસનદાસ મૂળજીનો જય હો

- શૈશવ વોરા

ઓટીટી ઉપર આવેલી ફિલ્લમ જોઈ કાઢી,

જે દબાતા સ્વરે બાળપણથી સાંભળ્યું હતું એનું પડદે ચિત્રણ થયેલું જોયું.

ચરણસેવાના નામે થતો સ્ત્રીઓનો ઉપભોગ, બહુ ગંદી અને ઘૃણાસ્પદ પરંપરા, શાસ્ત્રોના સગવડિયા અનુવાદો ઉપર આઘાત કરતી સત્ય ઘટનાથી પ્રેરિત ફિલ્લમ.

એકવાર તો દરેક ધર્મના લોકોએ જોવી જ જોઈએ અને હવે તો કોઈ ચોક્કસ રાજકીય વિચારધારાને વરેલા લોકો હોય, એ લોકોએ પણ ખાસ જોવી જોઈએ.

ગામ હોય ત્યાં ઉકરડો હોય, પણ ગામ કરતાં ઉકરડો પિરાણાના કચરાના ડુંગરની જેમ મોટો થઈ જાય ત્યારે શું થાય એ દર્શાવ્યું છે.

ઉકરડા દરેક ધર્મ પંથમાં છે, કથાવસ્તુના લેખક અને કરસનદાસ સન્માનના અધિકારી છે. આજે પણ ઉકરડા એક નહિ તો કોઈ બીજા પંથમાં છે જ અને છાશવારે એ બધાય ઉકરડાઓ છાપામાં ગંધાય જ છે.

પરિવારમાં રોજ સવારે પુષ્ટિમાર્ગીય ભજનો ગવાય-સંભળાય, હવેલીએ વાર તહેવારે જઈએ અને ક્યાંક દબાતા સ્વરે, ‘આવું ’ કશુંક સાંભળતા કે, ભૂતકાળમાં ક્યાંક આવું કશુંક થયું છે, એટલે જરાક સાચવીને..