જગતની સુંદરતાનો મોટો માપદંડ એટલે જ્યાં નારી નિર્ભય હોય!

એક અંધારી રાત્રે એક છોકરીને બે યુવાનો લિફ્ટ આપવા ઊભા રહે છે, ત્યારે ગભરાઈને છોકરી પૂછે છે કે, ‘તમે બેઉ મને કેમ લિફ્ટ આપવા માગો છો?' બેઉ યુવાનો કહે છે કે, ‘કેમ કે અમારાં માતા-પિતાએ સારા સંસ્કાર આપ્યા છે.'

- મિલી મેર

અડધી રાત્રે શહેરના એક સૂમસામ રસ્તા પર એક યંગ સુંદર છોકરી પોતાની કાર ચલાવીને ઘરે જઈ રહી છે. ત્યાં એની મમ્મીનો ફોન આવે છે. એ પોતાની મમ્મી સાથે વાત કરે છે: ‘yaa mamma, I will be home within 10 minutes, you please go to sleep, dont worry.' ફોન મૂક્યા પછી થોડી જ વારમાં અચાનક તેની કાર બંધ પડી જાય છે. એ કારને વારંવાર રેસ આપે છે, પણ કાર શરૂ થતી નથી. આ દરમિયાન થોડી દૂર ઊભેલી ગાડીમાં બેઠેલા પાંચ પુરુષો આ બધું જુએ છે. એ પાંચેય પુરુષોના દેખાવમાં દાઢી, સિગારેટ, ધુમાડો, લેથર જૅકેટ, કાનમાં કડી, લાંબા વાળ વગેરે એવી રીતે જોડાયેલું છે, એ પુરુષો આમ સૂમસામ રોડ પર એકલી યુવાન છોકરી માટે સુરક્ષિત લાગતાં નથી.