વિવાદ

ચાઇનીઝ લસણ સામે સૌરાષ્ટ્રના ખેડૂતોના વિરોધનું કારણ શું?

- જિજ્ઞેશ ઠાકર

ભારતીય લસણ જ આરોગ્યની દૃષ્ટિએ શ્રેષ્ઠ. શું આપણાં બજારો ઉપર ચાઇનીઝ લસણ રમકડાં, ફટાકડા, શણગારની વસ્તુઓની જેમ પગદંડો જમાવી દેશે..?

ચાઇનીઝ રમકડાંની વાત હોય કે ચાઇનીઝ ફટાકડાની વાત હોય કે ચાઇનીઝ શણગારની વસ્તુઓની વાત હોય, ચાઇનીઝ બજાર આપણે ત્યાં દરેક વસ્તુઓ-વેરાઇટીઓમાં ધમધમતું થઈ ગયું છે. ત્યાં સુધી કે લોકો મજાકમાં પણ એવું કહેતા હોય છે કે, ચાઇનીઝ વચન તો નથી ને! એટલે કે ચાઇનીઝ વાતો આપણી સાથે વણાઈ ગઈ છે અને હવે તેમાં ચાઇનીઝ લસણની વાતે વિવાદ વકર્યો છે. સૌરાષ્ટ્રના ગોંડલ માર્કેટિંગ યાર્ડમાં ચાઇનીઝ લસણ બજારમાં આવવાની વાતથી ખેડૂતોમાં રોષ ફેલાયો છે અને પોતે વર્ષોથી જે આપણું પોતીકું દેશી લસણ ઉગાડી રહ્યા છે, તેની કિંમત ભવિષ્યમાં નહીં મળે અને જે હરહંમેશ બધું સસ્તું અને તકલાદી હોય છે એવી જ રીતે આ કહેવાતું ચાઇનીઝ લસણ બજારમાં પગપેસારો કરી જશે તો આપણા ખેડૂતોનું શું થશે તેવી દશેહતને કારણે ખેડૂતો જોરશોરથી વિરોધ નોંધાવી રહ્યા છે.