કંગના રનૌત હવે ટ્રિપલ રોલમાં!

કંગના રનૌત હિમાચલ પ્રદેશના મંડી જિલ્લામાં આવેલા ભામ્બલા (અત્યારના સુરાજપુર) ગામમાં જન્મી છે. આજે મંડી પ્રદેશની સાંસદ છે. તેની ઈમરજન્સી' ફિલ્મ સેન્સર સર્ટિફિકેટને લઈને અટકેલી છે. તેની સફળ ફ્રેન્ચાઇઝીની આગામી ફિલ્મ ‘તનુ વેડ્સ મનુ-૩'ના પણ સમાચાર છે.

- પાર્થ દવે

પહાડી વિસ્તારમાં જન્મેલી એક છોકરી જે ૧૫ વર્ષની ઉંમરમાં ઘર અને પરિવાર છોડીને મુંબઈ જેવી સપનાંઓની નગરીમાં પોતાનું કરિયર બનાવવા માટે ભાગીને આવે છે. તેના માટે બધા રસ્તાઓ પણ પથરાળ અને મુશ્કેલી ભર્યા રહે છે. ઘરેથી દૂર રહે છે, કેટલાક વ્યસનોનાં દૂષણોમાં પણ ફસાય છે. છતાં પોતાની જાતને ટકાવી ફિલ્મ ક્ષેત્રમાં તે પોતાનું આગવું નામ બનાવે છે. એક એવી ઇન્ડસ્ટ્રી કે જ્યાં ફિલ્મની સફ્ળતાની જવાબદારી એક્ટરના ખભા પર હોય છે, પણ તે માન્યતા ખોટી પાડીને એક હીરોઇન પણ ફિલ્મને સફળતા અપાવી શકે છે, તેવો એક નવો આયામ સેટ કરે છે.