આવી રહ્યા છે કિંગ ઑફ સાળંગપુર

ભાવનગર નજીકનાં આ ત્રણ શ્રદ્ધાસ્થળ વિશે જાણી લો..

બજરંગબલી-બાહુબલી-આદિનાથ ભગવાન: ત્રણ મૂર્તિનો સંગમ.

ફક્ત દેશની જ નહીં, વિશ્વની સૌથી ઊંચી પ્રતિમા સ્ટેચ્યૂ ઑફ યુનિટી એટલે કે સરદાર પટેલનું સ્મારક છે. હવે તો મુંબઈમાં બાબાસાહેબ આંબેડકરનું પણ મોટું સ્મારક બની રહ્યું છે અને ભવિષ્યમાં છત્રપતિ શિવાજી મહારાજનું મહાકાય પૂતળું પણ ઊભું થશે.

દેશઆખામાં ૩૦ મીટરથી વધુ ઊંચાઈ ધરાવતી જે પ્રતિમા તૈયાર થઈ ચૂકી છે અથવા તો બની રહી છે એમાં સ્ટૅચ્યૂ ઑફ યુનિટીને બાદ કરતાં મોટા ભાગની પ્રતિમા દેવી-દેવતા અને આધ્યાત્મિક મહાપુરુષોની છે. એક અંદાજે ૩૦ મીટર એટલે કે ૯૮ ફૂટથી વધુ ઊંચાઈ ધરાવતી ૩૦ પ્રતિમા ભારતમાં છે અને એમાંથી નવ તો માત્ર હનુમાનજીની જ છે. બજરંગબલી પછી બીજા ક્રમે મહાદેવ આવે છે. હનુમાનજીની આવી જ એક ઊંચી પ્રતિમા સાળંગપુર ખાતે તૈયાર થઈ ગઈ છે અને ટૂંક સમયમાં જ દર્શનાર્થે ખુલ્લી મુકાશે. અલબત્ત, એની ઊંચાઈ હશે પ૬ ફૂટ.