ચાની એમને સુગંધ આવી અને મહેકી ઊઠી કારકિર્દી……

સરેરાશ માણસની સવાર જેનાથી પડે એ ચા ઘરમાં જેટલી પિવાય એના કરતાં અનેકગણી બહાર એટલે કે થડા પર, કીટલી પર કે હોટેલમાં વધારે પિવાતી હશે. જેને અનઑર્ગેનાઈઝ્ડ કહેવાય એવો ચાનો આ ધંધો હવે વ્યવસ્થિત માર્કેટિંગનું સ્વરૂપ પામ્યો છે. સૌરાષ્ટ્રના બિઝનેસમૅન દર્શન દાસાણી પણ આ ક્ષેત્રે નોંધપાત્ર કામ કરી રહ્યા છે.

- ઉમંગ વોરા

સાંજ ઢળી રહી છે. ઘોંઘાટિયું નહીં, છતાં મૉડર્ન સંગીત સંભળાઈ રહ્યું છે. ખુલ્લામાં લોકો બેઠા છે. એમાં કિલ્લોલ કરતાં બાળકો પણ છે અને કૉલ પર વ્યસ્ત હોય એવા યંગસ્ટર્સ પણ બેઠા છે. કોઈના ખોળામાં બાળકો છે, કોઈના ખોળામાં લૅપટૉપ છે. ક્યાંક એકાદ ખૂણે વડીલ યુગલ પણ છે. ફટાફટ સ્મિતભર્યા ચહેરે વેઈટર્સ ઑર્ડર ફુલફિલ કરી રહ્યા છે. સરસ વરાળ નીકળે છે, જીભે અડે છે જીંજર-ફુદીનાનો સ્વાદ અને મોઢેથી ઉદ્ગાર નીકળેઃ વાહ..!

- તમે ક્યાંક ટી-પોસ્ટની તો વાત નથી કરતા ને? ના, અમે ટી-પોસ્ટની નહીં, પરંતુ એની આ આખી સફરની વાત કરીએ છીએ.

ચા કાફેની શૃંખલા ટી–પોસ્ટના સ્થાપક માલિક દર્શન દાસાણીને માઈક્રો, સ્મૉલ, મિડિયમ એન્ટરપ્રાઈસીઝ (એમએસએમઈ) ક્ષેત્રે કામ કરતી એક એજન્સી ચૅમ્બર ઑફ ઍડ્વાન્સમેન્ટ ઑફ સ્મૉલ ઍન્ડ મિડિયમ બિઝનેસીઝ દ્વારા ૨૦૨૧ના ખાદ્ય-પેય ક્ષેત્રના શ્રેષ્ઠ આન્ત્રપ્રેન્ચાર તરીકેનો એવૉર્ડ મળ્યો છે. આખા દેશમાંથી કુલ ૪૫૦ એન્ટ્રી હતી, જેમાંથી આ એવૉર્ડ દર્શનભાઈની ટી–પોને મળ્યો.

અમરેલી પાસેના ધારી જેવા સાવ નાના ગામમાં શિક્ષકપરિવારમાં જન્મેલા દર્શન દાસાણી એસએસસીની પરીક્ષા પછી રાજકોટ આવ્યા અને ફાર્મસીમાં ડિપ્લોમા કરીને બી.એસસી. કર્યું. મેડિકલ રિપ્રેઝેન્ટેટિવ બનવાનું એ વખતે આકર્ષણ હતું એટલે એ નોકરી શરૂ પણ કરી, પરંતુ દસ મહિનામાં સમજાઈ ગયું કે આમાં કરિયર બનાવી શકાય એમ નથી. દર્શનભાઈએ પછી તો પ્લાસ્ટિકના દાણા વેચવાનું શરૂ કર્યું. પછી વિડિયોકોન કંપનીની ડીલરશિપ લીધી.

પોતાની આ ચાની સ્વાદિષ્ટ અને ગરમ સફર તાજી કરતાં દર્શનભાઈ ચિત્રલેખાને કહે છેઃ