બાળકોની મીઠી બીમારી સામે બે ડોક્ટર બહેનોનો જંગ

સારવારનો અભાવ બાળકોને મોત નહીં તો પણ યાતનામય જિંદગી તરફ ધકેલે એવા ટાઈપ-વન પ્રકારના ડાયાબિટીસ વિશે લોકોને સભાન કરવાનું કામ એમને વધુ સંતોષ આપે છે. આખરે તો દાદાજીને આપેલા વચનનું એનાથી પાલન થાય છે.

- હેતલ રાવ

આવાત એવી બે બહેનોની છે જેમણે આ પતાના દાદાને આપેલું વચન પાળવા પોતાની તબીબી પ્રેક્ટિસ કરતાં સેવાને પ્રાધાન્ય આપ્યું છે. આ રસ્તે ચાલવામાં અચાનક એમને જાણે પોતાનું લક્ષ્ય મળી ગયું...

અને એ લક્ષ્ય પાર પાડવા બન્ને બહેનો છેલ્લાં છ વર્ષથી અનોખી ઝુંબેશ ચલાવી રહી છે. એ બે બહેનો છે ઉત્તર ગુજરાતના વિસનગરનાં ડૉ. સ્મિતા જોષી અને ડૉ. શુકલા રાવલ. એમનું ધ્યેય છે ટાઈપ-વન પ્રકારના ડાયાબિટીસ વિશે લોકોને જાગ્રત કરવાનું અને એ વ્યાધિથી પીડાતાં બાળકોને શક્ય એ મદદ કરવાનું.

આ બન્ને ડૉક્ટર બહેને ભારતમાં કશ્મીરથી કન્યાકુમારી ૩૫૦૦ કિલોમીટર સેલ્ફ ડ્રાઈવિંગ કરીને ડાયાબિટીસ ધરાવતાં બાળકો માટે જનજાગૃતિ પ્રસારવાનું કાર્ય કર્યું છે. એટલું જ નહીં, અમેરિકામાં સાન ફ્રાન્સિસ્કોથી એટલાન્ટા સુધી ડ્રાઈવ કરીને આ પીડિત બાળકો માટે અનેક કાર્યક્રમ કર્યા છે. એમની જહેમતને કારણે ગુજરાત સરકાર દ્વારા ભારતમાં સૌપ્રથમ વાર ડાયાબિટીસપીડિત બાળકોની સારવારના ભાગ રૂપે ફ્રી ઈન્સ્યુલિન માટે બજેટ ફાળવવામાં આવ્યું છે. હમણાં રાષ્ટ્રીય તબીબ દિન નિમિત્તે ઈન્ડિયન મેડિકલ ઍસોસિયેશન (IMA) દ્વારા ડૉ. શુકલાબહેન અનિલભાઈ રાવલને કમ્યુનિટી સર્વિસ એવૉર્ડ શ્રેણી હેઠળ સમ્માનિત પણ કરવામાં આવ્યાં.

ડૉ. સ્મિતાબહેન જોષીનો પરિવાર ચાર પેઢીથી ડૉક્ટરના વ્યવસાય સાથે સંકળાયેલો છે. એમના દાદા ડૉ. વાસુદેવ જે. રાવલ ઊંઝાના જાણીતા સેવાભાવી ડૉક્ટર હતા. એમણે તબીબી વ્યવસાય પણ માત્ર સેવા માટે જ અપનાવ્યો હતો. જે દરદી પાસે પૈસા આપવાની સગવડ ન હોય એમની પાસેથી ક્યારેય પૈસા ન લેતા. ગરીબ સાધુ-સંતોની મફત સેવા કરતા. એટલું જ નહીં, એમના દવાખાને આવેલું કોઈ ગરીબ જન ભૂખ્યું ન જાય એ માટે એ ચિઠ્ઠી લખીને પોતાના ઘરે જમવા મોકલતા.

બાળકોમાં પ્રવર્તતા ડાયાબિટીસ વિશે લોકોમાં જાગૃતિ આવે એ માટે બે બહેનોએ કર્યો