வரும் 21ம் தேதி முதல் மூத்த குடிமக்களுக்கு இலவச பேருந்து பயண டோக்கன்கள்

மூத்த குடிமக்களுக்கான இலவச பேருந்து பயண டோக்கன்கள், வரும் 21ம் தேதி முதல் வழங்கப்படும் என மாநகர் போக்குவரத்து கழக தெரிவித்துள்ளது.

சென்னை மாநகர் போக்குவரத்து கழக மேலாண் இயக்குநர் வெளியிட்ட அறிக்கை: சென்னை மாநகர் போக்குவரத்து கழகத்தில் சென்னையை சார்ந்த மூத்த குடிமக்களுக்கான ஜனவரி-2025 முதல் ஜூன்-2025 வரை பயன்படுத்தக்கூடிய, ஒரு மாதத்திற்கு 10 டோக்கன்கள் வீதம் 6 மாதத்திற்கான இலவச பேருந்து பயண டோக்கன்கள் வழங்குதல் மற்றும் அடையாள அட்டை புதுப்பித்தல், புதிய பயனாளிக்கு வழங்குதல் ஆகியவை இணைப்பில் உள்ள 42 மையங்களில் வரும் 2024ம் ஆண்டு டிச.21 முதல் 2025ம் ஆண்டு ஜன.31 தேதி வரை விடுமுறையின்றி, அனைத்து நாட்களும் காலை 8 மணி முதல் இரவு 7.30 வரை வழங்கப்படும்.