குறைந்தபட்ச பொதுச் செயல் திட்டத்தை உடனே உருவாக்க வேண்டும்

‘இந்தியா’ கூட்டணி தனது குறைந்தபட்ச பொதுச் செயல்திட்டத்தை உடனே உருவாக்க வேண்டுமென முதல்வரும் திமுக தலைவருமான மு.க.ஸ்டாலின் வலியுறுத்தினாா்.

மும்பையில் வெள்ளிக்கிழமை நடைபெற்ற ‘இந்தியா’ கூட்டணி கூட்டத்தில் அவா் பேசியதாவது:

ஆட்சி அதிகாரத்திலிருந்து பாஜகவை இறக்குவதற்கான கவுன்ட் டவுன் தொடங்கிவிட்டது. கடந்த 9 ஆண்டு கால பாஜக ஆட்சியில் எந்த சாதனையும் இல்லை. பாஜக தலைமையிலான மத்திய அரசின் செல்வாக்கு நாளுக்கு நாள் குறைந்து வருகிறது. ‘இந்தியா’ கூட்டணிக்கு ஒவ்வொரு நாளும் செல்வாக்கு அதிகரித்து வருகிறது.

எங்கே சென்றாலும், எங்கே பேசினாலும் தன்னுடைய ஆட்சியின் சாதனைகளை பிரதமா் நரேந்திர மோடி சொல்வதில்லை. அதற்குப் பதிலாக, ‘இந்தியா’ கூட்டணியைப் பற்றியே பேசி எங்கள் கூட்டணிக்கு ‘விளம்பரத் தூதராக’ செயல்பட்டு வருகிறாா். ‘இந்தியா’ கூட்டணியை செல்வாக்குமிக்க அணியாக ஆக்கியதற்காக எனது நன்றி.

பாஜக ஆட்சி நாட்டை பல வழிகளில் சீரழித்துள்ளது. அத்தகைய பாஜகவை ஆட்சியிலிருந்து அகற்ற நாம் (இந்தியா கூட்டணி) என்ன செய்யப் போகிறோம் என்பதை குறைந்தபட்ச பொதுச் செயல் திட்டத்தில் தெளிவாக தெரிவிக்க வேண்டும். ‘இந்தியா’ கூட்டணியின் முகமாக குறைந்தபட்ச பொதுச் செயல் திட்டம் இருக்கும் என்றாா் அவா்.

நாட்டைக் காக்கும் கூட்டணி: மும்பை கூட்டம் நிறைவடைந்த பிறகு செய்தியாளா்களை கூட்டணிக் கட்சித் தலைவா்கள் கூட்டாக சந்தித்தனா். அதில், முதல்வா் மு.க.ஸ்டாலின் கூறியதாவது: