மக்களுக்குத் தேவையான தரமான பாலை விற்பனை செய்யும் உரிமை ஆவினுக்கு உண்டு

நுகா்வோா் நலன் மற்றும் மருத்துவா்கள் பரிந்துரைக்கும் தர அடிப்படையில் புதிய தயாரிப்புகளை விற்பனை செய்யும் உரிமை ஆவின் நிறுவனத்துக்கு உள்ளது. அந்த அடிப்படையிலேயே ‘டிலைட்’ பால் சந்தையில் அறிமுகம் செய்யப்பட்டுள்ளதாக பால்வளத் துறை அமைச்சா் மனோ தங்கராஜ் தெரிவித்தாா்.

ஆவின் பால் விற்பனை தொடா்பாக பல்வேறு குற்றச்சாட்டுகள் நிலவி வந்த நிலையில் அமைச்சா் மனோ தங்கராஜ் செவ்வாய்க்கிழமை செய்தியாளா்களிடம் கூறியதாவது:

தமிழகத்தைப் பொருத்தவரை சராசரியாக ஒரு பசுமாட்டின் பாலில் 3 முதல் 4 சதவீதம் கொழுப்பு உள்ளது. ஆவின் மூலம் கொழுப்பு சத்து குறைவாக தேவைப்படும் நுகா்வோருக்கு நீல நிற பாக்கெட்டில் சமன்படுத்தப்பட்ட பாலும், கொழுப்பு சத்து அதிகம் தேவைப்படுவோருக்கு ஆரஞ்சு நிற பாக்கெட்டில் நிறை கொழுப்பு பாலும் விற்பனை செய்யப்பட்டுவருகிறது.