இலங்கைக் கடற்படையினரால் ராமேசுவரம், ஓடிஸா மீனவர்கள் 19 பேர் கைது

கச்சத்தீவு - நெடுந்தீவுக்கு இடையே மீன் பிடித்த ராமேசுவரம், ஒடிஸா மீனவர்கள் 19 பேரை இலங்கைக் கடற்படையினர் புதன்கிழமை நள்ளிரவு கைது செய்தனர். மேலும், 2 விசைப் படகுகள் பறிமுதல் செய்யப்பட்டன.

ராமநாதபுரம் மாவட்டம், ராமேசுவரத்திலிருந்து புதன்கிழமை 450 விசைப் படகுகளில் 3,500-க்கும் மேற்பட்ட மீனவர்கள் மீன் வளம், மீனவர் நலத்துறை அனுமதி பெற்று கடலுக்குள் மீன் பிடிக்கச் சென்றனர். இவர்களுடன் ஒடிஸாவை சேர்ந்த மீனவர்களும் சென்றனர்.

கச்சத்தீவு-நெடுந்தீவுக்கு இடையே புதன்கிழமை நள்ளிரவு மீன் பிடித்துக் கொண்டிருந்த போது, அங்கு ரோந்துக் கப்பலில் வந்த இலங்கைக் கடற்படையினர் மீனவர்கள் மீது தாக்குதல் நடத்தி மீன் பிடிக்க விடாமல் விரட்டியடித்தனர்.