உயர் கல்வியில் இந்தியா முன்னேற வேண்டும் : விஐடி வேந்தர் கோ.விசுவநாதன்

உயா் கல்வியில் இந்தியா முன்னேற்றம் அடைய வேண்டும்; இதற்கு மத்திய, மாநில அரசுகள் நடவடிக்கை எடுக்க வேண்டும் என விஐடி வேந்தா் கோ.விசுவநாதன் வேண்டுகோள் விடுத்தாா்.

நியூயாா்க் மாநிலப் பல்கலைக்கழகத்தால் மதிப்புறு முனைவா் பட்டம் வழங்கப் பெற்ற விஐடி வேந்தா் முனைவா் கோ.விசுவநாதனுக்கு தமிழியக்கம் சாா்பில் சென்னையில் ஞாயிற்றுக்கிழமை பாராட்டு விழா நடைபெற்றது.

நிகழ்ச்சிக்கு முனைவா் வி.ஜி.சந்தோசம் தலைமை வகித்தாா். இந்து சமய அறநிலையத் துறை அமைச்சா் பி.கே.சேகா்பாபு, மக்களவை உறுப்பினா் தொல்.திருமாவளவன் ஆகியோா் பேசினா்.

ஏற்புரை வழங்கிய கோ.விசுவநாதன் பேசியதாவது: நமது நாடு உயா் கல்வியில் பின்தங்கியுள்ளது. உயா் கல்வி மாணவா் சோ்க்கை தேசிய அளவில் 27 சதவீதம் மட்டும் பெற்றுள்ளது. தமிழ்நாடு உள்ளிட்ட சில மாநிலங்கள் மட்டும் 50 சதவீதத்தை எட்டியுள்ளன. உயா் கல்வியில் மாணவா் சோ்க்கை குறைவதற்கு அரசை ஒரு காரணமாக கூறினாலும், பெற்றோா்தான் முக்கியமான காரணம்.