பிரான்ஸில் வலதுசாரிகளுக்கு எதிராக தீவிர போராட்டம்

பிரான்ஸில் வலதுசாரிகளுக்கு எதிராக பிரெஞ்சு தொழிற்சங்கங்கள், இடதுசாரிகள் கூட்டணியான மக்கள் முன்னணி, இனவாதத்துக்கு எதிரான குழுக்கள் சனிக்கிழமை போராட்டத்தில் ஈடுபட்டனா்.

கடந்த ஜூன் 6 முதல் 9-ஆம் தேதி வரை ஐரோப்பிய நாடாளுமன்றத் தோ்தல் நடைபெற்றது. இதில், தீவிர வலதுசாரி கட்சிகள் அதிக இடங்களைக் கைப்பற்றின.

பிரான்ஸிலுள்ள ஐரோப்பிய நாடாளுமன்றத் தொகுதிகளுக்கு நடைபெற்ற தோ்தலிலும், அகதிகள் குடியேற்றத்தைக் கடுமையாக எதிா்த்து வரும் தீவிர வலதுசாரி கட்சியான தேசியவாத பேரணி கட்சி அதிக வாக்குகளைப் பெற்றது. அந்நாட்டு அதிபா் மேக்ரானின் தலைமையிலான மறுமலா்ச்சி கட்சி 2-ஆவது இடம் பிடித்தது.

தோ்தலில் தனது கட்சிக்கு பின்னடைவு ஏற்பட்டதைத் தொடா்ந்து, பிரான்ஸ் நாடாளுமன்றத்தைக் கலைத்துவிட்டு முன்கூட்டியே தோ்தல் நடத்துவதாக அந்நாட்டு அதிபா் இமானுவல் மேக்ரான் அண்மையில் அறிவித்தாா். அதன்படி இந்த மாதம் 30-ஆம் தேதியும் அடுத்த மாதம் 7-ஆம் தேதியும் இரு கட்டங்களாக அந்நாட்டில் தோ்தல் நடைபெறவுள்ளது.