കുശാൽക്ക് ശ്രീലങ്ക

ഏഷ്യാ കപ്പ് രണ്ടാം തോൽവിയുമായി ഇന്ത്യ പുറത്തേക്ക്; ഫൈനലുറപ്പിച്ച് ലങ്ക

ദുബൈ: ശ്രീലങ്കയില്‍ നിന്നേറ്റ  അപ്രതീക്ഷിത തിരിച്ചടിയില്‍ ഇന്ത്യയെന്ന വന്‍മരം വീണു. സൂപ്പര്‍ ഫോറിലെ രണ്ടാംമത്സരത്തില്‍ ആറ്‌ വിക്കറ്റിന്‌ ലങ്കയോട്‌ തോറ്റതോടെ ഏഷ്യ കപ്പില്‍ ഇന്ത്യ ഫൈനല്‍ കാണാതെ പുറത്തേക്ക്‌. അടുത്ത മത്സരത്തില്‍ അഫ്ഗാനിസ്ഥാനെ തോല്‍പിച്ചാല്‍ മാത്രം പോരാ, മറ്റ്‌ ടീമുകള്‍ കനിഞ്ഞാലേ ഇന്ത്യക്ക് കലാശപ്പോരില്‍ ഇടംനേടാന്‍ കഴിയു. ഇന്ന്‌ നടക്കുന്ന മത്സരത്തില്‍ അഫ്ഗാനിസ്കാനെ പാകിസ്കാന്‍ തോല്‍പിച്ചാല്‍ ഇന്ത്യയുടെ പുറത്താകല്‍ പൂര്‍ണമാകും. സ്‌കോര്‍: ഇന്ത്യ173/8. ശ്രീലങ്ക-174/4.