நாளை மறுநாள் புயல் சின்னம்: தமிழகத்தில் நவ.25 முதல் 27 வரை கன மழை!

குமரிக்கடல் காற்று சுழற்சியால் தென் மாவட்டங்களில் தொடர் மழை!!

வங்கக்கடலில் நாளை மறுநாள் புயல் சின்னம் தோன்றுகிறது. இதன் காரணமாக 25-ஆம் தேதி முதல் 27-ஆம் தேதி வரை தமிழகத்தில் கன மழை பெய்யும் என எதிர்பார்க்கப்படுகிறது. இதற்கிடையே குமரிக் கடல் காற்று சுழற்சி காரணமாக தென் மாவட்டங்களில் தொடர் மழை பெய்து வருகிறது.

தமிழ்நாட்டில் அக்டோபர் 16-ஆம் தேதி வடகிழக்குப் பருவமழை தொடங்கியதாக வானிலை ஆய்வு மையம் அறிவித்தது. அதற்கு முன்னதாக 14-ஆம் தேதியே சென்னையில் கனமழை பெய்தது.

அதன்பிறகு பெரிய அளவில் மழை பெய்யவில்லை. அதே நேரத்தில் காற்றின் சுழற்சிக்காரணமாக டெல்டா மாவட்டங்களிலும், மேற்கு தொடர்ச்சி மலையையொட்டிய பகுதிகளிலும் அவ்வப்போது கனமழை பெய்தது.