பொங்கல் பண்டிகையை முன்னிட்டு சென்னையில் 14,104 சிறப்பு பேருந்துகள் இயக்கம்!

அமைச்சர் எஸ்.எஸ்.சிவசங்கர் தகவல்!!

பொங்கல் பண்டிகை முன்னிட்டு சென்னையில் இருந்து சொந்த ஊருக்கு செல்வதற்காக 14,104 பேருந்துகள் இயக்கப்படுவதாக போக்குவரத்துத்துறை அமைச்சர் எஸ். எஸ். சிவசங்கர் தெரிவித்தார்.

சென்னை தலைமைச் செயலகத்தில் போக்குவரத்துத்துறை அமைச்சர் எஸ். சிவசங்கர் நிருபர்களிடம் கூறியதாவது:

பொங்கல் பண்டிகையை முன்னிட்டு சென்னையில் இருந்து சொந்த ஊருக்கு செல்வதற்காக பல்வேறு துறை அலுவலர்களுடன் இன்று ஆலோசனை மேற்கொள்ளப்பட்டது.

வருகிற 10-ஆம் தேதியிலிருந்து மக்கள் சொந்த ஊருக்கு செல்வார்கள் என்று எதிர்பார்க்கப்படுகிறது. அன்று முதல் 13-ஆம் தேதி வரையிலும் சிறப்பு பேருந்துகள் இயக்கப்பட உள்ளது.