AI திரைப்படம் தயாரிக்க ஆதரவு

பழைமையான பாரம்பரியத்துடன் காணப்படும் திரைப்படக் கூட்டுத்தாபனம் நவீனத் தொழில்நுட்பத்துடன் மாற்றத்திற்கு உள்ளாக்கப்பட்டு இலங்கை திரைப்படம் மற்றும் தொலைக்காட்சி நாடக அபிவிருத்தி நிறுவனமாகக் கட்டியெழுப்பப்படும் என ஜனாதிபதி ரணில் விக்ரமசிங்க தெரிவித்தார்.

அதேவேளை, கலைஞர்கள் மற்றும் வடிவமைப்பாளர்களை நவீனத் தொழில்நுட்ப அறிவுடன் வலுவூட்டுவதற்கு வெளிநாட்டுப் பயிற்சி வாய்ப்புகள் வழங்கப்படும் என தெரிவித்த ஜனாதிபதி, நவீனத் தொழில்நுட்பத்துடன் முன்னோக்கிச் செல்ல திரைப்படம் மற்றும் தொலைக்காட்சி நாடகத்துறையைத் தயார் செய்ய வேண்டும் எனவும் சுட்டிக்காட்டிய அவர், செயற்கை நுண்ணறிவு (AI) தொழில்நுட்பம் இன்று உலகத் திரைப்படத்துறையில் உள்வாங்கப்பட்டிருக்கிறது.

எனவே, அதனை முன்னோக்கிக் கொண்டுசெல்லும் வகையில் முதலாவது A/ திரைப்படத்தைத் தயாரிப்பதற்கு அரசாங்கம் ஆதரவு வழங்கும் என்றும் அறிவித்தார்.

கொழும்பு ஷங்ரீலா ஹோட்டலில் சனிக்கிழமை (30) நடைபெற்ற 20ஆவது ரைகம் டெலிஸ் விருது வழங்கும் விழாவில் கலந்து கொண்டு உரையாற்றும் போதே ஜனாதிபதி ரணில் இதனைத் தெரிவித்தார்.