പി. വിജയൻ IPS ബി.ജെ.പിയിലേക്കോ ? സർപ്രൈസ് സ്ഥാനാർത്ഥിയെ പിണറായി പുട്ടി, അരയും തലയും മുറുക്കി കേന്ദ്രനേതൃത്വവും ഐ.പി.എസ്. ലോബിയും

തീവ്രവാദ വിരുദ്ധസ്ക്വാഡ് ഐ.ജി.പി.വിജയനെ സസ്പെന്റ് ചെയ്ത സംസ്ഥാന സർക്കാർ തീരുമാനത്തിൽ ദുരൂഹതകൾ ഏറുന്നു.

തീവ്രവാദ വിരുദ്ധസ്ക്വാഡ് ഐ.ജി.പി.വിജയനെ സസ്പെന്റ് ചെയ്ത സംസ്ഥാന സർക്കാർ തീരുമാനത്തിൽ ദുരൂഹതകൾ ഏറുന്നു. മുഖ്യമന്ത്രി പിണറായി വിജയന്റെ പ്രത്യേക താത്പര്യ പ്രകാരം ഇറക്കിയ സസ്പെൻഷൻ ഉത്തരവ് പിൻവലിപ്പിക്കാനും വിജയനെ സർവ്വീസിൽ തിരിച്ചെത്തിക്കാനും കേന്ദ്രസർക്കാരിലെ ഉന്നതവൃത്തങ്ങളും സംസ്ഥാനത്തെ ഐ.പി.എസ്.ലോബിയും അതിശക്തമായി രംഗത്തു വന്നിട്ടുണ്ട്. സമ്മർദ്ദതന്ത്രങ്ങൾ വിലപ്പോയില്ലെങ്കിൽ വിജയൻ എന്ന ഐ.പി.എസ്. ഓഫീസറുടെ ഭാവി എന്നെന്നേയ്ക്കുമായി ഇരുട്ടിലാക്കപ്പെടുമെന്നാണ് സൂചന. അതേസമയം, എ.ഡി.ജി.പി.റാങ്ക് പോലും ലഭിക്കാതെ വിജയനെ ഐ.ജി. ലെവലിൽ തന്നെ തളച്ചിട്ട് പ്രതിരോധത്തിലാക്കാനാണ് സംസ്ഥാനസർക്കാർ നീക്കമെന്നറിയുന്നു.

അപ്രതീക്ഷിതമായി സംഭവിച്ച ഈ നടപടിക്ക് പിന്നിൽ വൻ രാഷ്ട്രീയ ഉപജാപങ്ങൾ നടന്നതായാണ് ഞങ്ങളുടെ അന്വേഷണത്തിൽ അറിയാൻ സാധിച്ചത്. കോഴിക്കോട് എലത്തൂർ ട്രെയിൻ തീവെയ്പ്പ് കേസിലെ പ്രതി ഷാരൂഖ് സെയ്ഫിയെ മുംബയിൽ നിന്നും കൊണ്ടുവന്ന പൊലീസ് സംഘത്തിന്റെ യാത്രാവിവരങ്ങൾ മാധ്യമപ്രവർത്തകർക്ക് ചോർത്തി നൽകിയതിന്റെ പേരിലാണ് വിജയനെ സർക്കാർ സസ്പെന്റ് ചെയ്തത്. പ്രതിയുടെ ചിത്രങ്ങൾ തിരിച്ചറിയൽ പരേഡിന് മുന്നേ തന്നെ പുറത്തായത് കേസിൽ തിരിച്ചടിയായെന്നും ആഭ്യന്തരവകുപ്പ് വൃത്തങ്ങൾ പറയുന്നു. മാത്രമല്ല, വിജയനെതിരായ ചില അഴിമതി ആരോപണങ്ങളും സംസ്ഥാന സർക്കാരിന്റെ പരിഗണനയിൽ ഉണ്ട്. അതേസമയം വിജയൻ സർവ്വീസിൽ നിന്നും രാജിവെച്ച് ബി.ജെ.പിയിലെത്താനുള്ള സാദ്ധ്യത മുന്നിൽ കണ്ട് അതൊഴിവാക്കാനുള്ള സംസ്ഥാന സർക്കാരിന്റെ കുൽസിത നീക്കമാണ് ഇപ്പോഴത്തെ നടപടികൾക്ക് പിന്നിലെന്ന വാദവും ഉയരുന്നുണ്ട്.

ആരാണ് പി. വിജയൻ