બાળકોની મોજમસ્તી પર બ્રેક ન લગાવો

કોરોનાકાળ પછી પણ બાળકોના ચહેરા પર હાસ્ય અને મોજમસ્તી જળવાઈ શકે છે, પરંતુ કેવી રીતે તે આ લેખમાં જાણીએ...

કોરોનાકાળમાં વિશાલનો બર્થ-ડે ફરીથી નજીક આવી રહ્યો હતો. અત્યાર સુધી તે પોતાનો બર્થ-ડે ખૂબ ઉત્સાહથી ઊજવતો હતો. તેના મિત્ર સંદલી, તનુ, મયંક અને રજત ચારેય તેની સાથે વીડિયો કોલ પર વાત કરી રહ્યા હતા.

સંદલીએ કહ્યું, ‘‘યાર તારો ગત વર્ષનો બર્થ-ડે તો કોઈ ઉજવણી વિના ચાલ્યો ગયો. અમે પણ ઘરમાં બેઠાંબેઠાં કંટાળી ગયા છીએ. તેમાં પણ તારા બર્થ-ડેને મિસ કરવાનું મન નથી કરતું.”

વિશાલે કહ્યું, ‘જુઓ તમે બધા હજી ઘરમાંથી બહાર નીકળી નથી શકતા અને હું પણ ઘરમાં વધારે રહું છું. મારી મમ્મી કહે છે કે તમે બધા એક દિવસ માટે મારા ઘરે આવીને રહો. ખૂબ સુંદર રીતે સેલિબ્રેશન કરીશું. મમ્મી પણ તમને બધાને ખૂબ મિસ કરે છે. પ્રોગ્રામ બનાવો અને બધા અહીં આવી જાઓ.’’

પછી નક્કી થયું કે વિશાલનો બર્થ-ડે તો આ વખતે જરૂર ઊજવવો જ છે. પૂરો દિવસ લેપટોપ પર બેસી રહેતા બાળકો આ પ્રોગ્રામને એન્જોય કરવાનો મોહ છોડી શકે તેમ નહોતા.

મોજમસ્તી પરંતુ કેવી રીતે

મુંબઈમાં અંધેરીમાં બધા નજીકનજીક રહેતા હતા. તેમનું ૨૫ થી ૩૦ વર્ષના યુવાનોનું ગ્રૂપ હતું. છેલ્લા લાંબા સમયથી લોકડાઉનના લીધે બધા ઘરમાં બંધ હતા. વિશાલના પિતા નહોતા અને મમ્મી નોકરી કરતા હતા, જે હવે વર્ક ફ્રોમ હોમ કરી રહ્યા હતા.

ઘરમાં બે જ લોકો હતા. તેમનો ટૂ બેડરૂમનો ફ્લેટ હતો. અહીં બાળકોને મસ્તી કરવા માટે સારી એવી જગ્યા રહેતી હતી, પરંતુ બધા બાળકો વિશાલની મમ્મી વિશે વિચારતા તો પછી તેના ઘરે જવાનો ઉત્સાહ મંદ પડી જતો હતો, પરંતુ એકબીજાને મળવામાં મજા આવતી હતી અને ઘરમાં રહીને હવે સારો એવો સમય પણ પસાર કરી લીધો હતો, તેથી બધાએ પોતપોતાના પરિવારને વિશાલના ઘરે જવા મનાવી લીધા.

સંદલી પોતાની મમ્મીને હસતાંહસતાં કહી રહી હતી, ‘‘બધા જઈ તો રહ્યા છે, ઓફિસમાંથી બધાએ રજા પણ લઈ લીધી છે. રાત્રે તેના ઘરે રોકાવા તો જઈ રહ્યા છીએ, પરંતુ જોઈએ શું થાય છે. આંટી આ વખતે એન્જોય કરવા દેશે કે નહીં, કારણ કે તેમને પણ આટલા દિવસથી કોઈ મળ્યું નહીં હોય અને તેઓ ખૂબ કંટાળેલા હશે.

દિલ ખોલીને સ્વાગત