ડાયાબિટીસ માં કેવું હોય ડાયટ

ડાયાબિટીસને કંટ્રોલ કરીને તમે કેવી રીતે સામાન્ય જીવન જીવી શકો છો, જાણીએ એક્સપર્ટ પાસેથી..

આધુનિક જીવનશૈલી અને ખાણીપીણીની બદલાતી ટેવે મહિલાઓને જીવનશૈલી સાથે જોડાયેલી બીમારીનો શિકાર બનાવી દીધી છે. ડાયાબિટીસ તેમાંથી એક છે. આંકડા અનુસાર વર્તમાનમાં વિશ્વભરમાં ૧૯-૨૦ કરોડ મહિલાઓ ડાયાબિટીસથી પીડિત છે. અંદાજ છે કે ૨૦૪૦ સુધી આ સંખ્યા વધીને ૩૧ કરોડ થશે.

ડાયાબિટીસ એક લાઈલાજ બીમારી છે, તેને સંપૂર્ણ રીતે ઠીક નથી કરી શકાતી, પણ અનુશાસિત જીવનશૈલી, ખાણીપીણીમાં સુધારો, નિયમિત વર્કઆઉટ, તાણથી બચીને અને યોગ્ય દવાઓનું સેવન કરી બ્લડમાં શુગરના પ્રમાણને નિયંત્રિત રાખીને સામાન્ય જીવન જીવી શકાય છે.

મહિલાઓ અને ડાયાબિટીસ

વધતી આધુનિક સુખસુવિધાઓથી મહિલાઓની જીવનશૈલીમાં પરિવર્તન આવ્યું છે. તે ઉપરાંત નોકરિયાત મહિલાઓની સતત વધતી સંખ્યાના લીધે જીવનશૈલી સાથે જોડાયેલી બીમારીની શિકાર મહિલાઓના આંકડા ઝડપથી વધી રહ્યા છે.

છેલ્લા ૨ દાયકામાં મહિલાઓમાં ડાયાબિટીસના કેસમાં વધારો થયો છે. વધતી તાણ અને ઘટતી શારીરિક સક્રિયતા મહિલાઓને ડાયાબિટીસની શિકાર બનાવી રહી છે. બદલાતી જીવનશૈલીના લીધે તેમની રોગપ્રતિરોધક ક્ષમતા પણ કમજોર થઈ રહી છે જેથી તે બીમારીઓની શિકાર બની રહી છે. ડાયાબિટીસ પુરુષ અને મહિલાને સમાન રીતે પ્રભાવિત કરે છે, પરંતુ મહિલાઓમાં તેના લીધે જટિલતા વધી શકે છે.

ડાયટ