7 લેટેસ્ટ સાડી ટ્રેન્ડ

તમે પણ શાનદાર લુક ઈચ્છો છો અને સાડી પહેરીને પ્રશંસાની આશા રાખો છો, તો આ જાણકારી તમારા માટે જ છે..

તમે ગમે એટલો સ્માર્ટ વેસ્ટર્ન ડ્રેસ પહેરો, પણ સાડીની વાત જ કંઈક જુદી છે. સાડી એલિગેન્ટ આપવાની સાથેસાથે સેક્સી લુક આપવાનું કામ કરે છે. તમે કોઈ પણ પ્રસંગે સાડી પહેરીને તમારી પર્સનાલિટીમાં ચાર ચાંદ લગાવી શકો છો. બસ તમને ખબર હોવી જોઈએ કે કઈ સાડી ટ્રેન્ડમાં છે અને તેને કયા પ્રસંગે કેવી રીતે પહેરવી જોઈએ.

આવો જાણીએ, લેટેસ્ટ સાડીના ટ્રેન્ડ વિશે :

ઓરગેંઝા સાડી

તમે પણ સાડી લવર છો, પરંતુ હેવી સાડીના ડરથી સ્પેશિયલ પ્રસંગે પણ સાડી વેર કરતા ડરો છો તો જાણી લો કે તમારા માટે લેટેસ્ટ ટ્રેન્ડમાં ચાલી રહેલી ઓરગેંઝા સાડી બેસ્ટ છે, કારણ કે એક તો આ સાડી સિલ્ક લુક આપવાની સાથે રોયલ લુક આપે છે, સાથે લાઈટ વેટેડ, સોફ્ટ ફેબ્રિક અને એકથી એક ચઢિયાતી પ્રિન્ટ તેને દરેક પ્રસંગે ખાસ બનાવે છે. પછી પાર્ટી હોય, મેરેજ હોય કે પછી ગેટટુગેધર, તમે સરળતાથી તેને મિનિટોમાં પહેરીને અટ્રેક્ટિવ અને અમેઝિંગ લુક આપી શકો છો. તેના માટે તમે તમારી પસંદ મુજબ ઓરગેંઝા સાડી ખરીદી શકો છો.

ટ્રેન્ડમાં શું છે : બજારમાં તમને સિલ્ક ઓરગેંઝા સાડી, પ્લેન ઓરગેંઝા સાડી, બનારસી ઓરગેંઝા સાડી, કાંચી ઓરગેંઝા સાડી, ફેન્સી ઓરગેંઝા સાડી, ગ્લાસ ઓરગેંઝા સાડી, પ્રિન્ટેડ ઓરગેંઝા સાડી, ઓરગેંઝા ટિશ્યૂ સાડી વગેરે મળશે. જેને તમે પ્રસંગ, સાડીની ડિઝાઈન મુજબ ખરીદીને ખાસ દિવસ વધારે ખાસ બનાવી શકો છો. આ સાડી તમને ૨ હજારથી ૨૦ હજાર સુધીમાં મળી જશે.

સેલિબ્રિટી પણ પાછળ નથી :

જો વાત કરીએ આલિયા ભટ્ટની, જેણે એક ફેસ્ટિવલ દરમિયાન રેડ ફ્લોરલ ઓરગેંઝા સાડીને ન્યૂડ મેકઅપ, સિંપલ બિંદી અને હેવી ઝૂમખા સાથે કેરી કરીને બધાને અટ્રેક્ટ કર્યા અને તેના લુક અને સાડી જોઈને દરેક વ્યક્તિ વ્હોટ અ લુક આલિયા કહ્યા વિના ન રહ્યું.

કરીના કપૂર : તે ફિલ્મ ઈન્ડસ્ટ્રીમાં બેબો નામથી ઓળખાય છે. જ્યારે તેણે પેસ્ટલ ઓરગેંઝા સાડી, જેની પર બેબો લખ્યું હતું, સાડીનો ફોટો શેર કર્યો, ત્યારે તેને કોમ્પ્લિમેન્ટ મળવાની સાથેસાથે ફેન્સ તેના આ લુકના દીવાના બની ગયા. આ સાડી સાથે કરીનાએ ઓફશોલ્ડર બ્લાઉઝ સાથે ડેંગલર્સ પહેરીને પોતાનો લુક એલિગેસ બનાવ્યો.