జిడ్డు చర్మాన్ని ఎలా కాపాడుకోవాలి?

చర్మంలో సెబాసియస్ గ్రంథులు (చర్మంలో నూనె ఉత్పత్తి చేసేవి) మరింత చురుగ్గా ఉన్నప్పుడు దాన్ని జిడ్డు చర్మం అని పిలుస్తాం.

- గరిమా పంకజ్

చర్మంలో సెబాసియస్ గ్రంథులు (చర్మంలో నూనె ఉత్పత్తి చేసేవి) మరింత చురుగ్గా ఉన్నప్పుడు దాన్ని జిడ్డు చర్మం అని పిలుస్తాం. అంటే చర్మ రంధ్రాల నుంచి అదనపు నూనె బయటకు రావడంతో చర్మం జిడ్డుగా మారుతుంది. ఇలాంటి చర్మంపై పెద్ద రంధ్రాలు 'ఓపెన్ పోర్స్', మొటిమలు ఎక్కువగా ఏర్పడుతుంటాయి. దాంతో చర్మం నిర్జీవంగా, మృదువుగా, మచ్చలతో కనిపిస్తుంది.

ఆయిలీ స్కినికి ప్రధాన కారణం వాతావరణ మార్పు. అధిక తేమ కారణంగా చర్మంలో ఎక్కువ చెమట పడుతుంది. అది ఆయిలీగా మారుస్తుంది.ఈ సమస్య నుంచి బయటపడడానికి చర్మ పరిశుభ్రతపై ప్రత్యేక శ్రద్ధ తీసుకోవడం చాలా ముఖ్యం.

జిడ్డు చర్మం ఏర్పడడానికి కారణాలు

వారసత్వం : ఆయిలీ స్కిన్ వారసత్వం వల్ల కూడా వస్తుంది. తల్లిదండ్రులలో ఎవరికైనా ఆయిలీ స్కిన్ లేదా కుటుంబంలో ఎవరికైనా జిడ్డు చర్మం ఉంటే మీ చర్మం ఆయిలీగా మారే అవకాశాలు ఉంటాయి.

ఎక్కువగా మేకప్ చేయడం : కొందరు మహిళలు ఓపెన్ పోర్స్, మచ్చలు, మరకలు దాచి పెట్టడానికి ఎక్కువ మేకప్ చేస్తుంటారు. కానీ మేకప్ ఉత్పత్తులను ఎక్కువగా ఉపయోగిస్తే చర్మానికి నష్టం వాటిల్లుతుంది. అందమైన చర్మం కావాలనే కోరికతో కాస్మెటిక్స్ ్న ఎక్కువగా వాడటం వల్ల చర్మానికి హాని కలుగుతుంది.

హార్మోన్ల మార్పులు : : శరీరంలో జరిగే హార్మోన్ల మార్పులు జిడ్డు చర్మానికి కారణమవు తాయి. మహిళల్లో ఎండ్రోజన్ హార్మోన్ హెచ్చు తగ్గులకు లోనవుతూ ఉంటుంది. ఇది సెబాసియస్ గ్రంథులను యాక్టివేట్ చేస్తుంది. హార్మోన్ల అసమ తుల్యత పురుషుల్లోనూ టెస్టోస్టెరాన్ హార్మోను యాక్టివ్ గా మారుస్తుంది. దీని కారణంగా వారి చర్మం సైతం జిడ్డుగా తయారవుతుంది.

ఆయిలీ చర్మం నుంచి బయట పడండి

ముఖాన్ని సరిగ్గా కడుక్కోండి : కనీసం రెండుసార్లు రాత్రి నిద్ర పోయే ముందు, ఉదయం లేవగానే ముఖం కడుక్కోవాలి. కానీ ఇంతకంటే ఎక్కువ చేయకూడదు. ఎక్కువసార్లు కడిగితే చర్మం పొడిబారుతుంది. వేడి లేదా గోరువెచ్చని నీళ్లు వాడితే కూడా చర్మం పొడి బారుతుంది.చర్మాన్ని శుభ్రం చేయడానికి సల్ఫర్, సాల్సిలిక్ యాసిడ్ లేదా టీ ట్రీ ఆయిల్తో ఉన్న క్లీన్సర్ను ఉపయోగించండి.