ഒരു തൈ നടാം നല്ല നാളേയ്ക്ക് വേണ്ടി...

വഴിത്തിരിവ് കല്ലൂർ ബാലൻ പ്രശസ്തർ തങ്ങളുടെ ജീവിതത്തിൽ വഴിത്തിരി വായ സന്ദർഭങ്ങൾ ഇവിടെ പങ്ക് വയ്ക്കുന്നു.

- ഉമ ആനന്ദ്

ജൂൺ 5 പരിസ്ഥിതി ദിനമാണ്. ആറാം തീയതി പത്രങ്ങളിൽ ഫോട്ടോകൾ വരുന്നതോടെ മലയാളിയുടെ പരിസ്ഥിതി പ്രേമം അവസാനിക്കും. ചെടികൾക്ക് വെള്ളമൊഴിക്കാനോ, വേലിക്കൂട് കെട്ടി സംരക്ഷിക്കാനോ ആരും തയ്യാറാവില്ല. അടുത്തവർഷം ഇതേ കലാ പരിപാടി ആവർത്തിക്കും. എന്നാൽ വർഷം മുഴുവനും പരിസ്ഥിതി ദിനം ആചരിക്കുന്ന ഒരപൂർവ ജൻമം നമുക്കിടയിലുണ്ട്. കഴിഞ്ഞ കാൽ നൂറ്റാണ്ട് കാലമായി ചെടി നടൽ ജീവിത വ്രതമാക്കിയ വനദേവൻ. 22 ലക്ഷം ചെടികൾ നടുകയും ഒരുകോടി എന്ന ലക്ഷ്യത്തിന്റെ സാക്ഷാൽക്കാരത്തിനായി ജീവിതം ഉഴിഞ്ഞുവയ്ക്കുകയും ചെയ്ത വിശ്വപൗരൻ. പാലക്കാട് ജില്ലയിലെ കല്ലൂർ എന്ന കൊച്ചു ഗ്രാമത്തെ ലോക പ്രശസ്തിയിലേക്കെത്തിച്ച് പച്ച നിറമുള്ള വസ്ത്രം ധരിച്ച് പച്ച പെയിന്റടിച്ച വാഹനത്തിൽ സഞ്ചരിക്കുന്ന ബാലേട്ടൻ മരങ്ങളെ മാത്രമല്ല മൃഗങ്ങളെയും സ്നേഹിക്കുകയും സംരക്ഷിക്കുകയും ചെയ്യുന്ന വ്യക്തിയാണ്. ഇക്കഴിഞ്ഞ ഓണക്കാലത്ത് അയ്യർ മലയിലെ കുരങ്ങന്മാർക്ക് വിഭവ സമൃദ്ധമായ ഓണസദ്യ നൽകിയതിന്റെ വാർത്തയും ചിത്രവും പത്രങ്ങൾ റിപ്പോർട്ട് ചെയ്തിരുന്നു.

മലയാളിയുടെയും കേരളത്തിന്റെയും അഭിമാനമായ കല്ലൂർ ബാലൻ തന്റെ സ്വന്തം കഥ പറയുന്നു.