ആരാണ് അവകാശി..?

കഥയും കാര്യവും

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

നാമെല്ലാം ഓരോന്നിന്റെയും അവകാശികളാണെന്ന് പറയുന്നു. ഭൂമിയെ സംരക്ഷിക്കാതെ എന്റെ ഭൂമിയാണന്നും, അമ്മയെ സംരക്ഷിക്കാതെ  എന്റെ അമ്മയാണെന്നും, സാധുമൃഗങ്ങളെ ഹിംസിച്ച ശേഷം അത് എന്റേതാണെന്നുമെല്ലാം സ്വന്തം ഹൃദയബന്ധമില്ലാത്ത നേട്ടത്തിനുവേണ്ടി, സ്വകാര്യ ലാഭത്തിനുവേണ്ടി പറഞ്ഞു നടക്കുന്നു.

സ്വയം അദ്ധ്വാനിക്കാതെ അന്യന്റെ കവർന്നെടുത്ത പണം എന്റേതാണന്ന് പറയുന്നു. വേണ്ടവിധം പഠിപ്പിക്കാതെ അധ്യാപകനാണെന്ന് പറയുന്നു. അവകാശമില്ലാത്ത അവകാശവാദങ്ങൾ കൊണ്ടുനടക്കുന്നവരാണ് പലരും.

ജീവിതത്തിൽ താൻ സംരക്ഷിക്കുന്നതും കഷ്ടപ്പെട്ട് നേരായ മാർഗ്ഗത്തിൽ സമ്പാദിക്കുന്നതുമായവ മാത്രമേ തന്റേതെന്ന് അവകാശപ്പെടാനാകൂ. അവകാശം ആത്മശുദ്ധിയുടെ ഭാഗമാണ്.