മേരി ടോഡ് ലിങ്കൺ

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

ഒരു സാധാരണക്കാരനായി ജീവിതം ആരംഭിച്ച എബ്രഹാം ലിങ്കൺ, അടിമത്തത്തിന് എതിരെ ശബ്ദമുയർത്തി ജന ഹൃദയങ്ങളിൽ സ്ഥാനം നേടുകയും ഒടുക്കം റിപ്പബ്ളിക്കൻ പാർട്ടിയിലൂടെ അമേരിക്കയുടെ പ്രസിഡന്റു പദവിയിലെത്തിയതും നമുക്കറിയാം. എന്നാൽ ലികൺ വിവാഹം ചെയ്ത സ്ത്രീ ഒരു അടിമവ്യാപാരിയുടെ മകളായിരുന്നു എന്നത് അറിയുമോ?

മേരി ടോഡിന്റെ കുടുംബത്തിന്റെ പ്രധാന തൊഴിൽ അടിമ വ്യാപാരമായിരുന്നു. മേരിയുടെ പൂർവ്വികർ അയർലണ്ടിൽ നിന്ന് അമേരിക്കയിലേക്ക് കുടിയേറിയവരാണ്. വളരെ സമ്പന്നമായ കുടുംബമായിരുന്നു മേരി ടോഡിന്റേത്. അതുകൊണ്ടുതന്നെ ആർഭാടമായ ഒരു കുട്ടിക്കാലമായിരുന്നു അവളുടേത്.

മേരിക്ക് ആറു വയസ്സുണ്ടായിരുന്നപ്പോൾ അവളുടെ അമ്മ മരിച്ചു. തുടർന്ന് അച്ഛൻ മറ്റൊരു സ്ത്രീയെ വിവാഹം ചെയ്തു. മേരിയുമായി രണ്ടാനമ്മ അത്ര സൗഹൃദത്തിൽ അയിരുന്നില്ല. അവൾ പിന്നീട് സഹോദരിയോടൊപ്പം സിങ്ങ് ഫീൽഡിൽ താമസമാരംഭിച്ചു. അഭിഭാഷകനും ഡെമോക്രാറ്റിക്ക് പാർട്ടിയുടെ നേതാവുമായ സ്റ്റീഫൺ ഡഗ്ളസ്സ് യൗവനയുക്തയായ മേരിയോട് തന്റെ പ്രണയം അറിയിച്ചു. എന്നാൽ മറ്റൊരു അഭിഭാഷകനായ എബ്രഹാം ലിങ്കണയാണ് അവൾ വിവാഹം ചെയ്യാൻ ആഗ്രഹിച്ചത്.