മറക്കില്ല.മാമുക്കോയയെ...!

ഔട്ട് ലുക്ക്

- പ്രേം ടി. നാഥ്

അങ്ങനെ മാമുക്കോയയും യാത്രയായി... കോഴിക്കോടൻ ഭാഷാശൈലിയിലെ ലാളിത്യവും നിഷ്കളങ്കമായ നർമ്മത്തിന്റെ മർമ്മവുമാണ് ഈ നടനെ മലയാള സിനിമയിൽ ജനകീയനാക്കിയത്. അതുകൊണ്ടുതന്നെ മാമുക്കോയ എന്ന നടന്റെ വേർപാട് മലയാള സിനിമയ്ക്കുണ്ടാക്കിയ നഷ്ടം ഏറെയാണ്. ഒന്നു തിരിഞ്ഞു നോക്കുമ്പോൾ ഇതു പോലെ കൊഴിഞ്ഞുപോയ പ്രതിഭകൾ നിരവധിയാണ്. ബഹദൂർ, ശങ്കരാടി, തിലകൻ, കലാഭവൻ മണി, പറവൂർ ഭരതൻ, നെടുമുടി വേണു, ഒടുവിൽ ഉണ്ണികൃഷ്ണൻ, മാള അരവിന്ദൻ, കുതിരവട്ടം പപ്പു, കൊച്ചിൻ ഹനീഫ എന്തിന് കഴിഞ്ഞമാസം നമ്മെ വിട്ടു പോയ ഇന്നസെന്റ് അടക്കമുള്ളവരുടെ നിരയിലേക്ക് മാമുക്കോയയും മടങ്ങുമ്പോൾ താരങ്ങളുടെ വിയോഗങ്ങൾ ഒരു കാലഘട്ടത്തിലെ മാഞ്ഞുപോകുന്ന അധ്യയങ്ങളായ് മാറുകയാണ്.

കോഴിക്കോടിന്റെ സ്വന്തം കോയ