ജീവിതത്തിന്റെ കടമ

കഥയും കാര്യവും

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ, ഈ ഭൂമിയിൽ നാം എപ്പോഴും ആഗ്രഹിക്കുന്നത് ശാന്തിയും സന്തോഷവും സത്യസന്ധമായ സൗഹൃദങ്ങളുമാണ്. ബന്ധുവാകട്ടെ, അന്യരാകട്ടെ സഹജീവികളായ നാം പരസ്പരം മിത്രങ്ങളെപ്പോലെ വിശ്വസ്തരായിക്കഴിയുമ്പോഴാണ് അത് നമുക്ക് അനുഭവിക്കാൻ കഴിയുന്നത്.

അശരണനായ സുഹൃത്തിനെ ഒരുകൈ സഹായിക്കാൻ നാം എപ്പോഴും പ്രതിജ്ഞാബദ്ധരാണന്ന് ഓർക്കുക. നമുക്ക് ചുറ്റുമുള്ള പക്ഷികളും മൃഗങ്ങളും സസ്യജാലങ്ങൾ പോലും കാട്ടിത്തരുന്നത് അതാണ്. സന്തോഷപൂർണ്ണമായ നിലനിൽപ്പിനും ഉയർച്ചയ്ക്കും പ്രകൃതി നൽകുന്ന പാഠമാണത്.