എലിസബത്ത് ഫ്രൈ

ഇതിഹാസത്തിലെ സ്ത്രീകൾ

-  കണക്കുർ ആർ. സുരേഷ്കുമാർ

പത്തൊമ്പതാം നൂറ്റാണ്ടിന്റെ തുടക്കത്തിൽ ബ്രിട്ടനിൽ സജീവയായിരുന്ന സാമൂഹ്യ പ്രവർത്തകയും മനുഷ്യ സ്നേഹിയുമായ എലിസബത്ത്  ജയിൽ തടവുകാരുടെ മനുഷ്യാവകാശങ്ങൾക്കായും ക്ഷേമത്തിനായും പ്രവർത്തിച്ചാണ് ചരിത്രത്തിൽ ഇടം നേടിയത്.

ഇംഗ്ലണ്ടിൽ തടവുകാരോടുള്ള സമീപനത്തിൽ മാറ്റം കൊണ്ടുവരാനുള്ള നിയമങ്ങൾ നിർമ്മിക്കുന്നതിന്റെ പിന്നിലെ പ്രധാന പ്രേരകശക്തിയായിരുന്നു അവർ. പ്രത്യേകിച്ചും  സ്ത്രീത്തടവുകാരുടെ കാര്യങ്ങളിൽ അവർ പ്രത്യേക ശ്രദ്ധ ചെലുത്തിയിരുന്നു. ജയിലുകളുടെ മാലാഖ എന്ന് അവർ അറിയപ്പെട്ടു.

1780-ൽ ഇംഗ്ലണ്ടിലെ നോർവിച്ചിൽ എലിസബത്ത് ജനിച്ചു. പങ്കാളിത്തത്തിൽ ഒരു ധനകാര്യ സ്ഥാപനം നടത്തുകയായിരുന്നു പിതാവ് ജോൺ ഗർണി. എലിസബത്തിന്റെ മാതാവ് കാതറിൻ ബാർക്ലേസ് ബാങ്കിന്റെ സ്ഥാപകരായ ബാർ കുടുംബത്തിലെ അംഗമായിരുന്നു.