കുഞ്ഞുങ്ങൾ ദൈവദത്തമായ സൗഭാഗ്യം

കഥയും കാര്യവും

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

കുട്ടികളെ സ്നേഹിക്കുക ഒരു ഭാഗ്യമാണ്. കുഞ്ഞുങ്ങൾ എപ്പോഴും സ്നേഹമാഗ്രഹിക്കുന്നവരാണ്. അത് നിഷേധിക്കുവാൻ പാടുള്ളതല്ല. നമ്മുടെ കുഞ്ഞുങ്ങളെപ്പോലെ മറ്റുള്ള കുഞ്ഞുങ്ങളും നമുക്ക് പ്രിയപ്പെട്ടവർ തന്നെ.

പണ്ടുള്ളവർ പറയും: “കുഞ്ഞുങ്ങളുടെ ശാപം പിടിച്ചു വയ്ക്കരുത്'' എന്ന്. അതായത് അവർക്കുള്ള നീതി നിഷേധിക്കരുത്. അങ്ങനെ ചെയ്താൽ അവരുടെ മനസ്സ് നൊമ്പരപ്പെട്ടാൽ ഉണ്ടാകുന്ന ശാപം പൊറുക്കാവതല്ല എന്നുതന്നെ.

ശാവസ്തിയിലെ കർഷക കുടുംബത്തിലെ കുലീനയായ ഒരു സ്ത്രീ ബുദ്ധദേവനെ ഭക്തിപൂർവ്വം അകമഴിഞ്ഞ് വിശ്വസിച്ചിരുന്നു. വിവാഹിതയായ അവർക്ക് നാളേറെയായിട്ടും കുട്ടികളില്ലായിരുന്നു.

ഒരു ദിവസം തന്റെ ഹൃദയവേദന ദേവന്റെ മുൻപിൽ സമർപ്പിക്കുവാനെത്തി. കണ്ടമാത്രയിൽത്തന്നെ ബുദ്ധദേവനെ നമസ്കരിച്ച ശേഷം തന്റെ പരിദേവനങ്ങൾ അവർ പറഞ്ഞുതുടങ്ങി “പ്രഭോ, എന്റെ വിവാഹം കഴിഞ്ഞു നാളേറെയായിട്ടും ഒരു കുഞ്ഞിക്കാല് കാണുവാനുള്ള യോഗമെനിക്കില്ല. അവിടുന്ന് എന്നെ അനുഗ്രഹിക്കണം.  കർഷക കുടുംബത്തിൽ നിന്നു വന്ന ഭർത്താവിനും ധനപരമായ ഒരു കുറവുമില്ല; പക്ഷേ, എന്ത് പ്രയോജനം അവർ തുടർന്നു പറഞ്ഞു: “പ്രഭോ, അങ്ങ് എന്നോട് കരുണ കാ ണിക്കണം.