മാനവസേവയുടെ മഹിമ

കഥയും കാര്യവും

-  അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

മനുഷ്യ സേവനത്തിനായി ജീവിതം ഉഴിഞ്ഞുവച്ച എത്രയോ മഹാത്മാക്കളെക്കുറിച്ച് കൂട്ടുകാർ കേട്ടിരിക്കുമല്ലോ. അക്കൂട്ടത്തിൽ ഭാരതത്തിന്റെ രാഷ്ട്രപിതാവായ മഹാത്മജിയുടെ ത്യാഗത്തിന്റെ കഥകൾ എത്രയോ തന്നെ സ്വന്തമായി ഒന്നും ആഗ്രഹിക്കാതെ സേവനം ചെയ്യുക എന്നത് ഹൃദയശുദ്ധിയുള്ളവർക്കുമാത്രമേ കഴിയൂ. അങ്ങനെ സേവനതല്പരരായ ഉന്നത മനുഷ്യ സ്നേഹികൾക്ക് മറ്റൊന്നും താല്പര്യമില്ലതാനും.

മഹാത്മജി ദക്ഷിണാഫ്രിക്കയിൽ അഭിഭാഷകനായി പ്രവർത്തിക്കുന്ന കാലം. അവിടുത്തെ വിവാദമായ പല കേസുകളും ഏറ്റെടുത്ത് അദ്ദേഹം അമേരിക്കക്കാരുടെ ആദരം പിടിച്ചുപറ്റിയ കാലമായിരുന്നു അത്.

 അതുകൊണ്ടുതന്നെ യാതൊരു സംശയവും കൂടാതെ അമേരിക്കക്കാരുടെ പോലും കേസുകൾ തുടർച്ചയായി ഗാന്ധിജിയെ ഏൽപ്പിക്കുന്നതിലൂടെ വന്ന ഉയർച്ചയും പ്രശസ്തിയുമൊന്നും ആ മഹാത്മാവിനെ സ്വയം മതിമറക്കുന്ന വ്യക്തിയാക്കിയില്ല. ഏതവസ്ഥയിലും സമചിത്തനായിരുന്നു അദ്ദേഹം.

പ്രശസ്തി വർദ്ധിക്കുന്തോറും ഫല സമൃദ്ധികൊണ്ട് വൃക്ഷം ശിഖരങ്ങളാൽ കുനിയുന്നതുപോലെ എളിമത്തവും അതിലൂടെയുള്ള ലാളിത്യവും കൊണ്ട് അദ്ദേഹം ഏറെ പ്രശോഭിതനായതേയുള്ളൂ.