എത്രയോ നിസ്സാരൻ എന്ന മഹാജ്ഞാനം

‘ജ്ഞാനം' സമുദ്രം പോലെ വിശാലവും അഗാധവുമാണ്. ഞാൻ ആ അഗാധ ജ്ഞാന ത്തിൽ നിന്ന് ‘കുറച്ചു' കാര്യങ്ങൾ പഠിച്ചിരിക്കുന്നു. പല ജന്മങ്ങൾ കൊണ്ടുപോലും സമ്പൂർണ്ണജ്ഞാനം നേടാനാവില്ലതന്നെ!'

പ്രിയമുള്ള കൂട്ടുകാരെ,

നാമെല്ലാം ഈ ലോകത്തിൽ എത്രയോ നിസ്സാരന്മാരാണ്. വളരെ തുച്ഛമായ അറിവിൽ നിന്നുകൊണ്ട് നാം സഞ്ചരിക്കുന്ന ജീവിതപ്പാതയിൽ നമുക്കുമുന്നേ സഞ്ചരിച്ച മഹാ പ്രതിഭകളുടെ ആത്മബോധപരമായ ഉൾക്കാഴ്ച്ചകൾ നാം പഠിച്ചുവയ്ക്കണം; ഓരോ നിമിഷവുമെന്നപോലെ ഭാവിയിലും പ്രാവർത്തികമാക്കുവാൻ.

ലോകം കണ്ട മഹാപുരുഷന്മാർ കാഴ്ചവച്ച് സ്വയം വിലയിരുത്തലുകൾ നമ്മെ ഇരുത്തിച്ചിന്തിപ്പിക്കുന്നവയാണ്. ഒന്നുകൊണ്ടും അഹങ്കരിക്കുന്നവരായിരുന്നില്ല അവരാരും. എന്നു മാത്രമല്ല, അവരെക്കുറിച്ച് ആരെന്തു പുകഴ്ത്തിയാലും അതിലൊന്നും ആവേശം കൊണ്ട് അവർ ശ്രമിച്ചു പോകുന്നവരുമായിരുന്നില്ല. താനെത്രയോ നിസ്സാരനാണ് എന്ന ബോധമാണ് അവരെ ഉൽകൃഷ്ട വ്യക്തികളാക്കിയത്.