தமிழக எம்.பி.க்களுடன் பிரதமரை சந்திப்போம்

சட்டசபையில் முதல்வர் ஸ்டாலின் அறிவிப்பு | அ.தி.மு.க. உள்ளிட்ட எதிர்க்கட்சிகளுக்கும் நன்றி!

- 

நியாயமான தொகுதி மறு சீரமைப்பை நடத்த வேண்டி வலியுறுத்தி, தமிழ்நாட்டிலுள்ள அனைத்துக் கட்சி எம்.பி.களுடன் பிரதமர் மோடியை சந்திப்போம் என சட்டசபையில் முதலமைச்சர் ஸ்டாலின் அறிவித்தார்.

தமிழ்நாடு சட்டமன்றப் பேரவையில், "நியாயமான தொகுதி மறுசீரமைப்பு"க்கான கூட்டு நடவடிக்கைக் குழுவின் கூட்டம் குறித்து முதலமைச்சர் மு.க. ஸ்டாலின் ஆற்றிய உரை வருமாறு:

பேரவை நடைபெற்றுக்கொண்டிருக்கக்கூடிய இந்த நேரத்தில், காலங்காலமாகக் கடைப்பிடிக்கப்பட்டுவரக்கூடிய மரபிற்கிணங்க, "நியாயமான தொகுதி மறுசீரமைப்பு"க்கான கூட்டு நடவடிக்கைக் குழுவின் கூட்டம் குறித்து பேரவை உறுப்பினர்களுக்குத் தலைவர்வாயி நான் தெரிவிக்கலாக விரும்புகிறேன்.

2026ஆம் ஆண்டில் மக்கள்தொகைக் கணக்கெடுப்பின் அடிப்படையில் மேற்கொள்ளப்படவிருக்கக்கூடிய தொகுதி மறுசீரமைப்பு நடவடிக்கை, தமிழ்நாட்டின் ஜனநாயக உரிமை, அரசியல் பிரதிநிதித்துவ உரிமை ஆகியவை பாதிக்கப்படும் அபாயத்தையும், மக்கள் நல்வாழ்வுத்திட்டங்களை சிறப்பாக நடைமுறைப்படுத்தியதற்காக தமிழ்நாடு போன்ற மாநிலங்கள் தண்டிக்கப்படக்கூடாது என்பதையும் சுட்டிக்காட்டி, முன்கூட்டியே எச்சரிக்கை மணியடித்தும், இந்தியாவிலேயே முதன்முதலாக நம்முடைய தமிழ்நாடு சட்டமன்றத்தில் 14.2.2024 அன்று ஒருமனதாகத் தீர்மானத்தை நிறைவேற்றியிருக்கிறோம்.