അർജ്ജുനനും നാരദനും പിന്നെ ഹനുമാനും

അർജ്ജുനൻ ഹനുമാനെ കൊടിയിൽ ധരിച്ചാൽ എന്നും വിജയമുണ്ടാകും

- ബാബുരാജ് പൊറത്തിശ്ശേരി

ഒരിക്കൽ വനത്തിൽ വെച്ച് നാരദൻ ഹനുമാനെ കണ്ടുമുട്ടി. വിഷ്ണുവിനെ പുകഴ്ത്തു കയും വിഷ്ണു കീർത്തനങ്ങൾ ചൊല്ലി നടക്കുകയും ചെയ്യുന്ന നാരദൻ വലിയ പാട്ടുകാരനായിരുന്നു. അതിന്റെ അഹംഭാവവും ഉണ്ടായിരുന്നു.

അത് മനസ്സിലാക്കിയ ഹനു മാൻ ഒരു പാട്ടുപാടി. നാരദൻ അതിൽ ലയിച്ചിരുന്നു. കയ്യിലിരുന്ന മഹതി എന്ന വീണ ഒരു പാറപ്പുറത്ത് വെച്ചിട്ടാണ് പാട്ട് ആസ്വദിച്ചിരുന്നത്.

പാട്ടിന്റെ സ്വരമാധുര്യത്താൽ പാറ ഉരുകാൻ തുടങ്ങി. വീണയാകട്ടെ ഉരുകിയ ആ പാറമേൽ താഴാൻ തുടങ്ങി. ഏതാണ്ട് മുക്കാൽ ഭാഗത്തോളം വീണ പാറയ്ക്കുള്ളിലായി. പാട്ടവസാനിച്ചപ്പോൾ പാറ പഴയതുപോലെ ഖര രൂപമായി തീർന്നു.

അപ്പോഴാണ് നാരദൻ വീണയെടുക്കാൻ ഒരുങ്ങിയത്. എത്ര ശ്രമിച്ചിട്ടും നാരദന് വീണയെടുക്കാൻ കഴിഞ്ഞില്ല.

"നല്ലൊരു പാട്ട് പാടിയാൽ പാറ അലിയും. അപ്പോൾ വീണയെടുക്കാൻ ബുദ്ധിമുട്ടുണ്ടാവില്ല.' ഹനുമാൻ ഉപദേശിച്ചു.

അതുകേട്ട് നാരദൻ ഒരു ഗാനമാലപിച്ചു. പക്ഷേ പാറയ്ക്ക് ഒരു വ്യത്യാസവും സംഭവിച്ചില്ല. നാരദൻ മറ്റൊരു ഗാനമാലപിച്ചു. ഫലം തഥൈവ. നാരദൻ വിഷണ്ണനായി.