பூச்செண்டு ஏந்தும் வைத்தீஸ்வரன் கோயில்

மதுரையில் சோம சுந்தரப் பெருமான் முருகனுக்குப் பாண்டிய மன்னனாகப் பட்டாபிஷேகம் செய்து வைத்ததுடன் தேவைப்பட்டபோது வேல், வளை, செண்டு என்ற மூன்று ஆயு தங்களையும் அளித்தார் என்கிறது திருவிளையாடற் புராணம். அப்படி அளிக்கப்பட்ட செண்டானது வலிமை மிக்க ஆயுதமாகும். முருகன் வேலை வீசிக் கடலையும், இந்திரனை வளையாலும் இமயத்தைச் செண்டாலும் அடக்கினார் என்று திருவிளையாடற் புராணம் கூறுகிறது. அந்த செண்டு மூன்று வளையுடன் கூடிய ஆயுதமாகும். இது உயர்ந்த காவலர்களுக்கு அளிக்கப்படும் உயர்ந்த ஆயுதமாகும்.

- ஆட்சிலிங்கம்

மாடு மேய்க்கும் கோவலர்களும் இந்த செண்டாயுதத்தை ஏந்துகின்றனர். அவர்களின் தெய்வமான கண்ணபிரான் செண்டேந்திக் காட்சி தருகிறார். செண்டேந்தி நிற்கும் கண்ணபிரானை செண்டலங்காரர் என்றும் ராஜகோபாலசுவாமி என்றும் அழைக்கின்றனர்.