ചായക്കടയുടെ സാമൂഹിക ശാസ്ത്രം

ലേഖനം

-  ഷുക്കൂർ ഉഗ്രപുരം

സാമൂഹികവൽക്കരണം എന്ന സംജ്ഞ വികസിപ്പിച്ചതും വിശദീകരിച്ചതും ജർമ്മൻ സോഷ്യോളജിസ്റ്റായ Georg Simmel (1858) ആണ്. ഓരോ പ്രദേശങ്ങളിലും നടക്കുന്ന സാമൂഹികവും രാഷ്ട്രീയവുമായ വിപ്ലവങ്ങളിലും നവോത്ഥാനങ്ങളിലും ഓരോ പ്രദേശത്തെയും സാമൂഹിക സ്ഥാപനങ്ങൾക്ക് കൃത്യമായ പങ്കുണ്ട്. നാട്ടുമ്പുറത്തെ മി ക്കവാറും ജനങ്ങൾക്ക് പ്രാപ്യമായ സാമൂഹികോദ്ഗ്രഥനം നടക്കുന്ന സ്ഥാപനമാണ് (Institution) ചായക്കടകൾ. അതി നാൽ അവിടെയെത്തുന്ന വ്യക്തികളുടെ പ്രധാന Socializa tion agent കൂടിയാണ് ഈ ചായക്കടകൾ. പത്രങ്ങളും റേഡിയോകളും ടെലിവിഷൻ ചാനലുകളും നൽകുന്ന വാർത്താ വിവരങ്ങളെ അവിടെയെത്തുന്ന ആളുകൾ വിശകലനം ചെയ്യുകയും അതിനെ അടിസ്ഥാനപ്പെടുത്തി സംവാദങ്ങളും സംവേദനങ്ങളും നടക്കുകയും അതിന്റെ അടിസ്ഥാന വിജ്ഞാന കൈമാറ്റങ്ങൾ നടക്കുകയും പൊതുബോധ Public conscience)രൂപീകരണത്തിൽ പ്രധാ ന പങ്ക് വഹിക്കുകയും ചെയ്യുന്ന ഒരു പ്രധാന ഗ്രാമീണ ഇടവും കൂടിയാണ് ചായപ്പീടികകൾ. മുമ്പ് ദിനപ്പത്രമോ അല്ലെങ്കിൽ റേഡിയോയോ, ഇന്ന് ടെലിവിഷനോ ഇല്ലാത്ത ഗ്രാമീണ ചായപ്പീടികകൾ തുലോം കുറവാണ്. സദാസമയവും സംവാദം നടക്കുന്ന ഒരിടം കൂടിയാണത്. മലയാളിയെ കൃത്യമായ രാഷ്ട്രീയ ബോധമുള്ളവനാക്കി മാറ്റുന്നതിൽ നാട്ടുമ്പറത്തെ ഇത്തരം ചായക്കടകൾക്ക് വലിയ പങ്കുണ്ട്. സ്നേഹവും നർമ്മവും സഹാനുഭൂതിയും ഇഴചേർന്ന ജീവിതമാണ് ചായപ്പീടികകൾ പഠിപ്പിക്കുന്നത്.