എന്നും എപ്പോഴും ആ ചിരി

ഇന്നസെന്റ് ഇല്ലായിരുന്നുവെങ്കിൽ തിരക്കഥാകൃത്ത് എന്ന നിലയ്ക്ക് എന്റെ ആദ്യസംരംഭം തന്നെ വൻപരാജയമായിപ്പോയേനെ... രൺജിപണിക്കർ

- അഞ്ജന ശശി

ഡോ പശുപതി, നർമത്തിൽ ചാലിച്ചെഴുതിയ ആ തിരക്കഥയിലൂടെയായിരുന്നു സിനിമയിലേക്കുള്ള എന്റെ കടന്നുവരവ്. തമാശ നിറച്ച ചലച്ചിത്രതിരക്കഥ എഴുതുമെന്ന പ്രതീക്ഷ എനിക്ക് ഒരിക്കൽപ്പോലും ഉണ്ടായിട്ടില്ല. അങ്ങനെയൊരു ഭാഷ എനിക്ക് വഴങ്ങുന്നതായിരുന്നില്ല. അത്തരമൊരവസരത്തിൽ അപ്രതീക്ഷിതമായി ഞാൻ ഡോ. പശുപതി'യുടെ തിരക്കഥാ രചനയിലേക്ക് കടക്കുന്നത്. ജീവിതത്തിലെ ഏറ്റവും പ്രധാനപ്പെട്ട ആ ഘട്ടത്തിൽ എന്നെ താങ്ങിനിർത്തിയ ആളാണ് ഇന്നസെന്റ്. അതുകൊണ്ടുതന്നെ ആ കടപ്പാടും ബഹുമാനവും എല്ലാക്കാലവും എനിക്ക് അദ്ദേഹത്തോടുണ്ടാവും. ഒരർഥത്തിൽ, അതിലെ നായകനും പ്രതിനായകനും ഇന്നസെന്റായിരുന്നു.