അമ്പരപ്പിക്കാനൊരുങ്ങി മുഹമ്മദ് മുസ്തഫയുടെ മുറ

അഭിനയം മാത്രമല്ല സംവിധാനവും തനിക്കു വഴങ്ങുമെന്ന് കപ്പേള എന്ന സിനിമയിലൂടെ മുസ്തഫ തെളിയിച്ചിട്ടുണ്ട്. ഏത് ജോലിയാണെങ്കിലും റോളാണെങ്കിലും വിജയി ക്കുമ്പോളാണ് ആളുകൾ നമ്മുടെ കൂടെ നിൽക്കുന്നതെന്ന് മുസ്തഫ തന്നെ പറഞ്ഞിട്ടുണ്ട്. വിജയിച്ച് നിൽക്കുമ്പോഴാണ് നമുക്കും സംതൃപ്തി ലഭിക്കുക. സിനിമയുമായി ബന്ധപ്പെട്ട് അഭിപ്രായങ്ങളും അഭിനന്ദ നങ്ങളും വിമർശനങ്ങളും ചർച്ചയുമൊക്കെ ഉയർന്നു വരുമ്പോഴാണ് വ്യക്തിപരമായി നമുക്കും സംതൃപ്തി ലഭിക്കുകയെന്നും മുസ്തഫ പറയുന്നു. സിനിമ എന്നത് കലയാണ്. ആളുകൾ ആസ്വദിക്കുന്നതുമാണ്.

- ബി.വി. അരുൺ കുമാർ

അഭിനേതാവായി വെള്ളിത്തിരയിലെത്തുകയും പിന്നീട് സംവിധായകന്റെ കുപ്പായമണിയുകയും ചെയ്ത ആളാണ് മുഹമ്മദ് മുസ്തഫ. 2005ൽ പുറത്തിറങ്ങിയ ഡിവോഴ്സ് എന്ന സിനിമയിലൂടെ ആദ്യമായി ക്യാ മറയ്ക്കു മുന്നിൽ. പിന്നീട് പാലേരി മാണിക്യം ഒരു പാതിരാ കൊലപാതകം, ഉറുമി തുടങ്ങി നിരവധി സിനിമകളിൽ ശ്രദ്ധേയമായ വേഷങ്ങൾ ചെയ്തു. ഐൻ എന്ന സിനിമയിലൂടെ ദേശീയ ശ്രദ്ധയും പിടിച്ചുപറ്റി. 2015ലെ ദേശീയ പുരസ്കാര വേദിയിൽ ഐൻ എന്ന സിനിമയിലെ പ്രകടനത്തിന് ജൂറിയുടെ പ്രത്യേക പരാമർശം നേടിയ നടനാണ് മുഹമ്മദ് മുസ് തഫ. അവിടുന്നങ്ങോട്ട് നിരവധി കഥാപാത്രങ്ങൾക്ക് ജീവൻ നൽകിയ അദ്ദേഹം ഇപ്പോൾ ശ്രദ്ധേയനായ സംവിധായകൻ കൂടിയാണ്. ആദ്യ സംവിധാന സംരംഭമായ കപ്പേള ഏറെ ശ്രദ്ധേയമായി. കോവിഡ് പ്രതിസന്ധിയിൽ മുങ്ങിപ്പോകുമായിരുന്ന ആ ചിത്രം പിന്നീട് ഒടിടിയിൽ എത്തിയപ്പോൾ പ്രേക്ഷകർ ഇരുകൈയും നീട്ടി സ്വീകരിച്ചു. പ്രേക്ഷക പ്രശംസയും നിരൂപക പ്രശംസയും നേടിയ കപ്പേള എന്ന ചിത്രത്തിനു ശേഷം മുഹമ്മദ് മുസ്തഫ ഇപ്പോൾ രണ്ടാമത്തെ സിനിമ സംവിധാനം ചെയ്ത് തിയേറ്ററിലേക്ക് എത്തിക്കാനുള്ള തിരക്കിലാണ്.

ടൈറ്റിൽ പോസ്റ്ററിൽ തന്നെ തിരുവനന്തപുരം നഗര പശ്ചാത്തലത്തിൽ നടക്കുന്ന കഥയാണ് മുറ എന്നാണ് സൂചന. വ്യത്യസ്തമാർന്ന പ്രമേയത്തിലൂടെ സഞ്ചരിക്കുന്ന ചിത്രത്തിലേക്ക് തിരുവന ന്തപുരം പ്രദേശവാസികൾക്ക് മുൻതൂക്കം നൽകി കൊണ്ടുള്ള ചിത്രത്തിന്റെ കാസ്റ്റിങ് കോൾ തന്നെ ഏറെ ശ്രദ്ധിക്കപ്പെട്ടിരുന്നു. കേരളത്തിലെ സിനിമാ രംഗത്തെ പ്രമുഖ നിർമാണ വിതരണ കമ്പനിയായ എച്ച് ആർ പിക്ചേഴ്സിന്റെ നേതൃത്വത്തിൽ റിയാ ഷിബു ആണ് ചിത്രത്തിന്റെ നിർമ്മാണം നിർവഹി ക്കുന്നത്. സുരാജ് വെഞ്ഞാറമൂട്, ഹിഡു ഹാറൂൺ, മാലാ പാർവതി, കനി കുസൃതി, കണ്ണൻ നായർ, ജോബിൻ ദാസ്, അനുജിത് കണ്ണൻ, യദു കൃഷ് ണാ,വിഘ്നശ്വർ സുരേഷ്, കൃഷ് ഹസ്സൻ, സിബി ജോസഫ് എന്നിവരാണ് മുറയിലെ പ്രധാന കഥാപാത്രങ്ങളെ അവതരിപ്പിക്കുന്നത്.