શ્રદ્ધાનું ખૂનઃ દેશભરમાં હાહાકાર અને ગમગીની

આફતાબ રોજ સવારે પાંચ વાગ્યાની આસપાસ ઊઠીને ફ્રીઝમાંથી એક કે બે અંગો લઈ છતરપુરની ઝાડીઓમાં ફેંકી આવતો, જ્યાં કૂતરા, શિયાળ, સુવર, સમડી વગેરે તેનું ભક્ષણ કરી જતાં પ્રતાડિત સ્ત્રીને પ્રારંભના ખરાબ અનુભવ બાદ પોસ્ટ ટ્રોમેટિક સ્ટ્રેસ ડિસઓર્ડર (પીટીએસડી) લાગુ પડે છે જે માનસિક બીમારીનો એક પ્રકાર છે બેરહમ હત્યાઓની ઘટના બને ત્યારે દિલ્હીનો તંદૂરકાંડ યાદ આવે. દિલ્હી કોંગ્રેસના વડા સુશીલ શર્માએ પત્નીની હત્યા કરી, શરીરના ટુકડા કરી તંદૂરમાં સળગાવી દેવાની કોશિશ કરી હતી મુંબઈમાં આફતાબ શેફ તરીકે હોટેલોમાં કામ કરતો હતો અને ત્યાં મટન રાંધવાનું અને કાપવાનું કામ કરતો. પરિણામે તેને લાંબા અને ધારદાર મોટા ચપ્પુઓ ચલાવવાની ફાવટ આવી ગઈ હતી આફતાબ પૂનાવાલાના કૃત્યમાં તમામ પ્રકારની અધમતા સ્પષ્ટપણે જોવા મળે છે. તે એક પિશાચી આનંદ માણતો, નફ્ફટ અને નકટો યુવાન સાબિત થાય છે

- વિનોદ પંડ્યા

એક તો દેશમાં ધાર્મિકતા બાબતે સંવેદનશીલ, જ્વલનશીલ વાતાવરણ છે અને તેમાં ગુજરાતમાં ચૂંટણીઓ છે. નેતાઓ ભલે જૂનું વલણ બદલીને કહે કે આતંકનો કોઈ ધર્મ હોતો નથી, પણ ગુજરાતની ચૂંટણીના અંડરકરન્ટમાં ધાર્મિકતા પણ છે. જે અન્ય મુદ્દાઓની ચર્ચા થાય છે તે ધાર્મિકતાના પોત પર ભરતગૂંથણની સજાવટ છે. સોશિયલ મીડિયાની ચર્ચાઓ અને ઓનલાઇન સમાચારો વાંચીને વાચકો જે પ્રતિભાવો આપે તેના પરથી તે સ્પષ્ટપણે સમજી શકાય. આ માહોલમાં ઉપરાઉપરી બે સમાચાર આવ્યા જેનાથી દેશની પ્રજા પૂર્ણપણે હલબલી ગઈ. અનેક લોકો અનેક પ્રકારના ગુનાઓ આચરતા હોય છે અને લોકો કાળક્રમે ભૂલી જતાં હોય છે, પણ તાજેતરની ઘટના. જેમાં પર્ણના આફતાબ અમીન પૂનાવાલાએ વસઈની શ્રદ્ધા વાલકરની હત્યા કરી, તે લોકોની સ્મૃતિપટમાંથી ભૂંસાય તેને માટે દાયકાઓ લાગી જશે. શ્રદ્ધાની હત્યામાં એક રાક્ષસ પિશાચને છાજે તેવાં તમામ તત્ત્વો છે.

અમુક બેરહમ હત્યાઓની યાદ આવે ત્યારે દિલ્હીનો તંદૂરકાંડ યાદ આવે. દિલ્હી કોંગ્રેસના વડા સુશીલ શર્માએ પત્ની નૈના સાહનીની હત્યા કરી, શરીરના ટુકડા કરી એક તંદૂરમાં સળગાવી દેવાની કોશિશ કરી હતી. નૈના સાહની એના કોઈ પુરુષ મિત્રને, સુશીલ શર્માને પસંદ ન હોવા છતાં ફોન કરતી હતી. એક વખતે ઘરે આવીને જૂના ઢબનો લેન્ડલાઇન ફોન સુશીલ શર્માએ રિડાયલ કર્યો તો નૈનાના પુરુષ મિત્રને જ એ ફોન ગયો. આવેશમાં સુશીલે નૈનાને મારી નાખી. પોલીસની ભાષામાં આવા ગુનાઓને ‘ક્રાઇમ ઓફ પૅશન' કહે છે, પણ તેનો અર્થ એ નથી કે પૅશન અથવા લાગણીભંગના આવેશમાં આવીને કોઈનું ખૂન પ્રકારનાં કરવાની છૂટ છે. નૈના ખૂનો અસંખ્ય થાય છે, પણ સુશીલનું કૃત્ય અધમ પ્રકારનું એ માટે ગણાવ્યું કે એણે પત્નીને તંદૂરી રોટી, નાન વગેરે પકાવવાના ચૂલામાં ટુકડે ટુકડે સળગાવી દેવાની કોશશ કરી. સળગતા માંસની આસપાસ વાસ ફેલાઈ તેના કારણે એ પકડાઈ ગયો.