ચાલો, વૅકેશનમાં બાળકો પાસે કરાવો ઘરકામ!

ચાર દીવાલની અંદર અને એની બહાર બચ્ચાપાર્ટી પાસે આવું બધું કરવાના છે વિકલ્પ.

- વિશ્વા મોડાસિયા

બાળકોનું વૅકેશન ચાલુ થઈ ગયું છે. સ્કૂલ ચાલુ હોય ત્યારે તો બાળકોનો સમય સ્કૂલમાંથી મળેલા હોમવર્ક અને ટ્યુશન-ક્લાસમાં પસાર થઈ જાય. વૅકેશન દરમિયાન સ્થિતિ તદ્દન વિપરીત હોય. બાળક આખો દિવસ કરે શું? એમાંય માતા-પિતા બન્ને કામ કરતાં હોય એવાં બાળકોએ ઘરે સાવ એકલાં રહેવું પડે એ બીજી મુસીબત. શહેરી વિસ્તારોમાં અનેક મકાનમાં કમ્પાઉન્ડ જેવું જ કંઈ હોતું નથી તો ગાર્ડન કે પ્લે ગ્રાઉન્ડની તો અપેક્ષા જ ક્યાં રાખવી? આવી હાલતમાં બાળક કરે શું? આજના જમાનામાં એનો જવાબ સરળ છેઃ મોબાઈલ ફોન, પ્લે સ્ટેશન કે કમ્પ્યુટર પર ગેમ રમ્યા રાખો!

આ બધાં ઈલેક્ટ્રોનિક્સ ગૅજેટનો ત્રાસ એ છે કે બાળકોને એનું રીતસર બંધાણ થઈ જાય છે અને એ એદી પણ બની જાય.

થોડાં વર્ષ અગાઉ બાળકો વૅકેશનમાં શારીરિક કસરત થાય એવી રમત રમતાં. બધાં ભેગાં મળીને રમ એટલે બીજાં બાળકો સાથે એમનો પરિચય થતો અને એમાંથી ભાઈબંધી પણ થતી. આજકાલ બાળકોના સાચા દોસ્ત ઓછા અને સોશિયલ મિડિયા પરના ફ્રેન્ડ્સ વધુ જોવા મળે છે. વધુપડતા ગૅજેટનો ઉપયોગ માનસિક આરોગ્ય પર પણ અસર કરે છે.

ટૂંકમાં, સ્કૂલનું વેંકૈશન બાળકો અને એમનાં મમ્મી-પપ્પાને આ બધી પળોજણમાંથી રજા આપતું નથી.

– પણ આપણે માત્ર સમસ્યાની વાત નથી કરવી, એના ઈલાજ જાણવા છે. તો ચાલો, આ વખતે વેકેશનમાં બાળકોને કંઈક કામે લગાડીએ.