తెలంగాణలో టీడీపీకి పూర్వవైభవం తీసుకురావాలి

• తెలంగాణ టీటీపీ అధ్యక్షుడిగా కాసాని జ్ఞానేశ్వర్ ప్రమాణస్వీకారం • దగ్గరుండి ప్రమాణ స్వీకారం చేయించిన చంద్రబాబు • తెలంగాణను అభివృద్ధి చేసింది తానేనని తెలిపిన బాబు • రాష్ట్రంలో పేదలకు రాజ్యాధికారమే లక్ష్యంగా పనిచేస్తాను : కాసాని

• తెలంగాణ టీటీపీ అధ్యక్షుడిగా కాసాని జ్ఞానేశ్వర్ ప్రమాణస్వీకారం

• దగ్గరుండి ప్రమాణ స్వీకారం చేయించిన చంద్రబాబు

• తెలంగాణను అభివృద్ధి చేసింది తానేనని తెలిపిన బాబు

• రాష్ట్రంలో పేదలకు రాజ్యాధికారమే లక్ష్యంగా పనిచేస్తాను : కాసాని

హైదరాబాద్ 10 నవంబర్ (ఆదాబ్ హైదరాబాద్) : తెలంగాణలో తెలుగు దేశం పార్టీకి పూర్వ వైభవం తీసుకొచ్చేందుకు కృషి చేయాలని అన్నారు ఆ పార్టీ అధినేత చంద్రబాబు. హైదరాబాద్ లోని ఎన్టీఆర్ భవన్ లో తెలంగాణ టీడీపీ కొత్త అధ్యక్షుడిగా కాసాని జ్ఞానేశ్వర్ చంద్రబాబు సమక్షంలో బాధ్యతలు చేపట్టారు. ఈ సందర్భంగా చంద్రబాబు మీడియాతో మాట్లాడుతూ కీలక వ్యాఖ్యలు చేశారు. దేశంలో తెలంగాణ నెంబర్ 1 గా ఎదగడానికి పునాది వేసింది టీడీపీనే అని పేర్కొన్నారు. వెనుకబడిన తెలంగాణ ఒక్క నిర్ణయంతో ఎంతో అభివృద్ధి చెందిందన్నారు.. తెలుగు జాతి ఉన్నంత కాలం టీడీపీ ఉంటుందన్నారు. అతి తక్కువ సమయంలోనే అధికారంలోకి వచ్చిన పార్టీ తెలుగుదేశం అన్నారు. తెలంగాణ గడ్డపై టీడీపీ పుట్టిందన్నారు చంద్రబాబు.తెలుగు జాతి అభివృద్ధికి ఎన్టీఆర్ రాజకీయాల్లోకి వచ్చారని తెలిపారు. రాజకీయాలకు కొత్త అర్థం తెచ్చిన నాయకుడు ఎన్టీఆర్ అని పేర్కొన్నారు చంద్రబాబు. పాలనను పేదవాడి ఇంటిముందుకు తీసుకొచ్చిన నాయకుడు ఎన్టీఆర్ అని ఆయన తెలిపారు.