గోల్మాల్ గోవిందం కేసీఆర్

• తెలంగాణలోనూ గుజరాత్ ఫలితమే.. • మోటర్లకు మీటర్లు ఉత్తుత్తి ప్రచారమే.. • వ్యవసాయానికి 24 గంటల కరెంట్ ఎక్కడో చూపాలి.. • నిన్న కోతల రాయుడు జగిత్యాలకు వచ్చి, మొరిగి మొరిగి వెళ్ళాడు.. • కొనసాగుతున్న బండి సంగ్రామయాత్ర

• తెలంగాణలోనూ గుజరాత్ ఫలితమే..

• మోటర్లకు మీటర్లు ఉత్తుత్తి ప్రచారమే..

• వ్యవసాయానికి 24 గంటల కరెంట్ ఎక్కడో చూపాలి..

• నిన్న కోతల రాయుడు జగిత్యాలకు వచ్చి, మొరిగి మొరిగి వెళ్ళాడు..

• కొనసాగుతున్న బండి సంగ్రామయాత్ర

హైదరాబాద్ 08 డిసెంబర్ (ఆదాబ్ హైదరాబాద్: తెలంగాణలో కూడా గుజరాత్ ఫలితమే పునరావృతమవుతుందని బీజేపీ రాష్ట్ర అధ్యక్షులు బండి సంజయ్ విశ్వాసం వ్యక్తం చేశారు. అవినీతి ప్రభుత్వం ఓడిపోక తప్పదని చెప్పారు. అభివృద్ధి చేసే వాళ్లే గెలుస్తారన్న బండి సంజయ్..అవినీతిపరులు పడిపోతారని తెలిపారు. తెలంగాణలో డబుల్ ఇంజన్ సర్కార్ రావడం ఖాయమని ధీమా వ్యక్తం చేశారు. జగిత్యాల జిల్లా మల్లాపూర్ మండలం మొగిలిపేట్ విడిది నుండి బండి సంజయ్ 'ప్రజా సంగ్రామ యాత్ర' కొనసాగింది..

సిర్పూర్, నడికుడ, రాఘవపేట, హుస్సేన్ నగర్, ముత్యంపేట్ మీదుగా వేంపేట్ వరకు ఈ పాదయాత్ర సాగింది.. వెంపెట్ సమీపంలో బండి సంజయ్ గురువారం రాత్రి బస చేశారు.. మొత్తం 12.6 కిలోమీటర్ల మేర బండి సంజయ్ పాదయాత్ర కొనసాగింది.. పదేపదే మోటర్లకు మీటర్లు అంటూ టిఆర్ఎస్ చేస్తున్న విమర్వలను కొట్టిపారేశారు. మోటార్లకు మీటర్లు పెడితే తానే బాధ్యత వహిస్తానని బండి సంజయ్ అన్నారు. లేని పక్షంలో సీఎం కేసీఆర్ ప్రజలకు క్షమాపణ చెప్పాల్సిందే అని డిమాండ్ చేశారు. కేసీఆర్ కుటుంబ అవినీతికే మీటర్లు పెట్టామని చెప్పారు. వ్యవసాయానికి 24 గంటల కరెంట్ ఇస్తున్నట్లు నిరూపిస్తే తాను రాజకీయ సన్యాసం తీసుకుంటానని చెప్పారు. నిరూపించకపోతే రాజకీయ సన్యాసం తీసుకునేందుకు కేసీఆర్ సిద్ధమా అంటూ సవాల్ విసిరారు. కొండగట్టు ఘటనలో ఒక్క ఇంట్లో ఆరు గురు చనిపోయారు... అయినా నేటికీ ఆ బాధిత కుటుంబాలను కేసీఆర్ పరామర్శించలేదు..