నాగలి పట్టే చేతులు శాసనాలు చేయాలి

తమది రాజకీయ పోరాటం కాదు.. జీవన్మరణ పోరాటం

- • దేశంలో మార్పుకోసమే జాతీయ రాజకీయాల్లోకి.. • త్వరలోనే మహారాష్ట్రలో బీఆర్ఎస్ కార్యకలాపాలు • పథకాలు కావాలంటే బీఆర్ఎస్ ను ఆదరించాలి

• దేశంలో మార్పుకోసమే జాతీయ రాజకీయాల్లోకి..

• త్వరలోనే మహారాష్ట్రలో బీఆర్ఎస్ కార్యకలాపాలు

• పథకాలు కావాలంటే బీఆర్ఎస్ ను ఆదరించాలి

• 54 ఏళ్ళు కాంగ్రెస్, 16 ఏళ్ళు బీజేపీ.. ఫలితం లేదు

• మహారాష్ట్రలోనే ఎక్కువమంది రైతుల ఆత్మహత్యలు 

• నాందేడ్ బీఆర్ఎస్ బహిరంగ సభలో కేసీఆర్

• గురుద్వారాలో ప్రత్యేక ప్రార్ధనలు చేసిన సీఎం

తెలంగాణలో ప్రజల జీవన ప్రమాణాలు పెరిగేలా సంక్షేమ పథకాలను అందిస్తున్నాం. రైతులు పండించిన పంటను ప్రభుత్వమే కొంటోంది.ఎనిమిదేళ్ల క్రితం తెలంగాణలో కరెంటు కష్టాలు ఉండేవి. కానీ ఇప్పుడు లేవు. 24 గంటల ఉచిత కరెంట్ అందిస్తున్నాం.తెలంగాణలో సాధ్యమైనప్పుడు దేశంలో ఎందుకు సాధ్యం కాదు.దేశంలో బొగ్గను సద్వినియోగం చేసుకుంటే 125 ఏళ్లపాటు కరెంట్ సమస్య తీరుతుంది. ప్రమాదంలో చనిపోతే రైతు బీమా అందిస్తున్నాం. దళితుల కోసం దళిత బంధు వంటి పథకాలు అమలు చేస్తున్నాం. బీఆర్ఎస్ ను గెలిపిస్తే రెండేళ్లలో మహారాష్ట్రలోనూ అద్భుతాలు చేసి చూపిస్తాం. తెలంగాణలో అమలవుతున్న సంక్షేమ పథకాలు దేశమంతా అమలు చేస్తాం.