దొరకు గుదిబండలా మారిన దళితబంధు పథకం..!

• దళితుల మధ్య వైషమ్యాలు పెంచుతున్న దళితబంధు.. • ఓట్లకోసం ఆడిన డ్రామా రివర్స్..

• అట్టహాసంగా ప్రారంభించిన పథకం అధోగతి..!

• అభాసుపాలవుతున్న అద్భుత పథకం..

• దళితుల మధ్య వైషమ్యాలు పెంచుతున్న దళితబంధు..

• ఓట్లకోసం ఆడిన డ్రామా రివర్స్..

• ఏ ఒక్కరికో, ఇద్దరికో ఇచ్చి మిగతావాళ్లకు మొండిచెయ్యి..

• దళితబంధు కోసం రోడ్లెక్కుతున్న దళిత కుటుంబాలు..

ఆఫీసుల చుట్టూ తిరుగుతూ ఉసూరుమంటున్న వైనం..

• ఎన్నికలు దగ్గరపడుతున్న వేళ హీటెక్కిస్తున్న ఆందోళనలు..

• అసలే అప్పుల్లో ఉన్న తెలంగాణ రాష్ట్రంలో ఇలాంటి పథకాలు సాధ్యమేనా అంటున్న విశ్లేషకులు..

దళితుల అభ్యున్నతి కోసం తెలంగాణ ప్రభుత్వం ప్రతిష్టాత్మకంగా తీసుకువచ్చిన దళితబంధు పథకం.. ఇప్పుడు దళితుల కుటుంబాల్లో అంతులేని వైషమ్యాలను సృష్టిస్తోంది.. పైగా ఈ పథకం ద్వారా స్థానిక లీడర్లు, ఎమ్మెల్యేలతో సహా లబ్ధిపొందారన్నది జగమెరిగిన సత్యమే..ఈ విషయం ముఖ్యమంత్రి కూడా ప్రస్తావించి, అలాంటివి సహించబోమని హెచ్చరించిన విషయం కూడా విదితమే.. అయినా దోచుకోవడం, దాచుకోవడం ఆగలేదు.. చివరికి దళితుల్లో ఈ పథకం ఎవరికి దక్కుంతుందో.. ఎవరికి దక్కదో తెలియని అయోమయ పరిస్థితి ఏర్పడింది.. నిజానికి ప్రస్తుతం ప్రభుత్వం నడపడానికి నిధులులేని తరుణంలో, ప్రభుత్వ ఉద్యోగులకు కూడా జీతభత్యాలు చెల్లించలేని పరిస్థితులలో దళితబంధు లాంటి పథకం సాధ్యపడుతుందా అన్న ఆలోచన ప్రభుత్వానికి రాకపోవడం దురదృష్టకరం..