మెడికల్ ఇన్వాలిడేషన్ పేరుతో భారీ మోసం

• టీఎస్ఎస్పీడీసీఎల్లో చిత్ర, విచిత్రాలు • అసలు సూత్రధారి అప్పటి సీఎండీ రఘుమారెడ్డే..! • రెండు చేతులా సహకరించిన లీగల్ అటాచీ..! 

• ఒక్కొక్క పోస్టుకు రూ.30-50 లక్షల వసూల్..! 

• ఆర్టీఐ కింద సమాచారం అడిగితే.. ఇవ్వని హెచ్ఐర్డీ హెచ్వోడీ మురళీకృష్ణ 

హైదరాబాద్ ఫిబ్రవరి 21(ఆదాబ్ హైదరాబాద్): టీఎస్ఎస్పీడీసీఎల్లో తవ్వినా కొద్ది అవినీతి లీలలు వెలుగు చూస్తూనే ఉన్నాయి. బీఆర్ఎస్ సర్కార్ హయాంలో ఆసంస్థలో జరిగిన దొంగ పనులన్నీ ఇప్పుడు ఒక్కొక్కటిగా వెలుగు చూస్తున్నాయి. అప్పటి ప్రభుత్వాధినేత కేసీఆర్ యొక్క అమోఘమైన ఆశీస్సులతో టీఎస్ఎస్పీడీసీఎల్ సీఎండీ రఘుమారెడ్డి చేసిన అవినీతి పనులు ఇప్పుడు బయటపడుతున్నాయి. మెడికల్ ఇన్వాలిడేషన్ పేరుతో ఆయన సాగించిన ఉద్యోగాల నియామకాల ప్రక్రియ చూస్తే విస్మయం కలుగుతోంది. ఈయన చేసిన అవినీతి లీలలను ఇటు కప్పిపుచ్చుకోలేక.. అటు బయట పెట్టలేక నానా అవస్థలు పడుతున్నారు ఇప్పటి అధికారులు. గత సీఎండీ రఘుమారెడ్డి చేసిన లీలలన్ని బయట పెడితే ఎక్కడ టీఎస్ఎఎస్పీడీసీఎల్ ఇజ్జత్ పోతుందోనని వారు మథనపడుతున్నారు. అందుకే కాబోలు రఘుమారెడ్డి హయాంలో మెడికల్ ఇన్వాలిడేషన్ కింద జరిగిన నియామకాలకు సంబంధించిన సమాచారాన్ని ఇచ్చేందుకు ససేమీరా అంటున్నారు.