దొంగలకు సద్ది కడుతున్న బడంగ్పేట్ మున్సిపల్ అధికారులు..!

ఎస్టీఎఫ్ బాస్, రంగారెడ్డి జిల్లా కలెక్టర్ అక్రమ నిర్మాణాలపై చర్యలు తీసుకోవాలి

• ఆర్కే బిల్డర్స్ పేరుతో అక్రమ రియల్ ఎస్టేట్ దందా..

• అవినీతిని పూర్తిగా సపోర్ట్ చేస్తున్న మున్సిపల్ కమిషనర్ సరస్వతి..

• అమ్యామ్యాలు స్వీకరించి అనుమతులు ఇచ్చిన అధికారులు..

• అవినీతే పరమావధి.. దొడ్డిదారిలో అక్రమ పర్మిషన్లు, అక్రమ నిర్మాణాలు..

• నోటీసులు ఇచ్చి అందిన కాడికి దండుకుంటున్న మున్సిపల్ సిబ్బంది..

• వ్రాతపూర్వక ఫిర్యాదులపై ఎలాంటి స్పందన లేదు..

• రంగారెడ్డి జిల్లా ఇంచార్జ్ మినిస్టర్ శ్రీధర్ బాబు, ముఖ్యమంత్రి రేవంత్రెడ్డి వీరిపై దృష్టి సారించాలి..

అసలు ప్రభుత్వం పని చేస్తోందా..? అధికారాన్ని అడ్డుపెట్టుకుని సొంత లాభం చూసుకుంటోందా..? చట్టబద్ధంగా కొన్ని నిబంధనలు ఉన్నాయి.. వాటి అమలుకు పాలించే ప్రభుత్వాలు కృషి చేయాల్సి ఉంటుంది.. ఇక తమ ఇంగితజ్ఞానాన్ని కోల్పోయారు కొందరు అవినీతి అధికారులు..

యధా రాజా తథా ప్రజా అన్నట్లు ప్రభుత్వ వైఖరిని తమకు అనుకూలంగా మార్చుకుని విధులు నిర్వహిస్తున్నారు.. భవిష్యత్తులో ఏమి జరిగినా మాకు అవసరం లేదు.. మా బొక్కసాలు నిండితే చాలు అనే దుర్భుద్ధితో అవినీతి సొమ్మును రెండుచేతులా సంపాదిస్తు న్నారు.. వీరికి ప్రజా సంక్షేమం అవసరం లేదు.. సమాజ శ్రేయ స్సు అంతకంటే అవసరం లేదు.. కేవలం అక్రమ సంపాదనే ధ్యేయంగా ముందుకు సాగుతున్నారు.. ఈ కోవలో అగ్రభాగాన నిలుస్తోంది బడంగ్ పేట్ మున్సిపాలిటీ..ఇక్కడ జరిగే అవినీతి తంతు గురించి ఎంత చెప్పుకున్నా తక్కువే అవుతుంది..