தமிழகத்தில் ஆயுஷ் துறையில் அளப்பரிய வளர்ச்சி

தமிழகத்தில் கடந்த மூன்றரை ஆண்டுகளில் ஆயுஷ் மருத்துவத் துறை அளப்பரிய வளர்ச்சியை பெற்றுள்ளதாக மக்கள் நல்வாழ்வுத் துறை அமைச்சர் மா.சுப்பிரமணியன் தெரிவித்தார்.

தேசிய ஆயுர்வேத தினத்தை முன்னிட்டு சென்னை, கிண்டியில் உள்ள தமிழ்நாடு டாக்டர் எம்.ஜி.ஆர் மருத்துவப் பல்கலைக்கழக வளாகத்தில் உலகளாவிய ஆயுர்வேத புதுமைகள் மற்றும் ஒருங்கிணைப்புகள் குறித்த சர்வதேச மாநாடு வெள்ளிக்கிழமை நடைபெற்றது.

இந்த மாநாட்டில் பங்கேற்ற மக்கள் நல்வாழ்வுத் துறை அமைச்சர் மா.சுப்பிரமணியன், 150 ஆராய்ச்சி கட்டுரை தொகுப்பு நூலினை வெளியிட்டார். பல்கலைக்கழகத்தின் துணைவேந்தர் கே.நாராயணசாமி, பதிவாளர் ஆறுமுகம், ஸ்ரீசாய்ராம் ஆயுர்வேத மருத்துவக் கல்லூரி இயக்குநர் வனிதா முரளிகுமார் உள்ளிட்டோர் உடன் இருந்தனர்.