நெல்லை நீதிமன்றம் அருகில் கொலை கவனக்குறைவாக இருந்த காவலர்கள் மீது நடவடிக்கை எடுக்க உயர்நீதிமன்றம் உத்தரவு

திருநெல்வேலி மாவட்ட நீதிமன்றம் அருகே இளைஞர் வெட்டிக் கொல்லப்பட்ட சம்பவத்தின் போது, பாதுகாப்புப் பணியில் கவனக்குறைவாக இருந்த காவலர்கள் மீது நடவடிக்கை எடுக்க நெல்லை காவல் துறை ஆணையருக்கு சென்னை உயர்நீதிமன்றம் உத்தரவிட்டுள்ளது.

திருநெல்வேலி மாவட்ட நீதிமன்ற நுழைவு வாயில் அருகே மாயாண்டி என்ற இளைஞர் வெட்டி படுகொலை செய்யப்பட்ட சம்பவம் தொடர்பாக சென்னை உயர்நீதிமன்ற நீதிபதி எஸ். எம். சுப்பிரமணியம், சி.குமரப்பன் அமர்வு தாமாக முன் வந்து வழக்கை விசாரணைக்கு எடுத்தது.

இந்த வழக்கு சனிக்கிழமை மீண்டும் விசாரணைக்கு வந்தபோது, கூடுதல் தலைமை வழக்குரைஞர் ஜெ.ரவீந்திரன், தலைமை குற்றவியல் வழக்குரைஞர் அசன் முகமது ஜின்னா ஆகியோர் ஆஜராகி, அறிக்கை தாக்கல் செய்தனர்.